ۇلتتىق مەرەكەلەر مەن اتاۋلى كٷندەر تٸزبەسٸنە بٸرقاتار ٶزگەرٸس ەنگٸزگەن جٶن. بۇل تۋرالى قر پرەزيدەنتٸ قاسىم-جومارت توقاەۆ ۇلتتىق قۇرىلتايدا ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«ەلدٸڭ تاريحي جادىن جاڭعىرتۋ ٷشٸن ٷيلەسٸمدٸ ساياساتتىڭ بولۋى ەرەكشە ماڭىزدى. وسى ورايدا, بٸز ەل دامۋىنىڭ جاڭا باسىمدىقتارىن بەلگٸلەپ الۋىمىز كەرەك. ۇلتتىق مەرەكەلەر مەن اتاۋلى كٷندەر تٸزبەسٸنە بٸرقاتار ٶزگەرٸس ەنگٸزگەن جٶن.
مەن رەسپۋبليكا كٷنٸنە ۇلتتىق مەرەكە مەرتەبەسٸن قايتارۋدى ۇسىنامىن. سوندىقتان قازاننىڭ جيىرما بەسٸ كٷنٸ جىل سايىن ەگەمەندٸك كٷنٸن ەلٸمٸزدٸڭ باستى مەرەكەسٸ رەتٸندە اتاپ ٶتۋٸمٸز كەرەك.
1990 جىلى 25 قازاندا قازاقستاننىڭ ەگەمەندٸگٸ تۋرالى دەكلاراتسييا قابىلداندى. بۇل ەلٸمٸزدٸڭ تەۋەلسٸزدٸك جولىنداعى تۇڭعىش قادامى بولاتىن. وسى قۇجاتتى قابىلداعان كەزدە تۇڭعىش پرەزيدەنت نۇرسۇلتان نازارباەۆ اسا ماڭىزدى, تٸپتٸ شەشۋشٸ رٶل اتقاردى.
رەسپۋبليكا كٷنٸ ەلدٸڭ مەملەكەت قۇرۋ جولىنداعى تاريحي قادامىنىڭ سيمۆولى بولۋى كەرەك. ەرينە, تەۋەلسٸزدٸك كٷنٸنٸڭ باستاپقى مەنٸ ساقتالادى. بۇل كٷن مەملەكەتتٸك مەرەكە بولىپ قالا بەرەدٸ. بٸراق, تەۋەلسٸزدٸك الۋعا زور ٷلەس قوسقان ۇلتتىق باتىرلارىمىزعا تاعزىم كٷنٸ رەتٸندە اتاپ ٶتٸلۋٸ كەرەك» - دەدٸ مەملەكەت باسشىسى.
ايتا كەتەيٸك, پرەزيدەنت ۇلىتاۋ وبلىسىنداعى جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.
