قر پرەزيدەنتٸ قاسىم-جومارت توقاەۆ QazVac ۆاكتسيناسىن سالدىرادى. بۇل تۋرالى «حابار 24» تەلەارناسىنىڭ «سۇقبات» باعدارلاماسىندا مەملەكەت باسشىسىنىڭ باسپاسٶز حاتشىسى بەرٸك ۋەلي ايتتى, دەپ حابارلايدى "ۇلت اقپارات".
«مەملەكەت باسشىسى قىستاعى جولداۋلارىنىڭ بٸرٸندە قازاقستاندىق ۆاكتسينانى سالدىراتىنىن ايتىپ, بارلىق ازاماتتى ۆاكتسينا الۋعا شاقىرعان بولاتىن. جالپى سالدىرۋ ويىندا بار. ول جايىندا دەر كەزٸندە قۇلاعدار بولاسىزدار دەپ ويلايمىن», - دەدٸ ول.
سونىمەن قاتار بەرٸك ۋەلي ٶزٸنٸڭ دە ۆاكتسينا سالدىرۋ ويىندا بار ەكەندٸگٸن ايتتى.
«ٶزدەرٸڭٸز بٸلەسٸزدەر, بىلتىر ەلمەن بٸرگە مەندە اۋىردىم. 20 كٷندەي اۋرۋحانادا جاتىپ ەمدەلدٸم. ونىڭ بەس كٷنٸندە رەانيماتسييادا جاتتىم. اۋىر جاعدايدى ٶتكەردٸم. قۇدايعا شٷكٸر, وتاندىق مەديتسينانىڭ ارقاسىندا ساۋىعىپ شىقتىم. تاياۋدا انتيدەنەمدٸ انىقتاتقانىمدا 74 پايىز بار بولىپ شىقتى. دەرٸگەرلەردٸڭ پايىمىنشا, ول 30 پايىزدان تٶمەندەگەندە ۆاكتسينا سالدىرۋعا بولادى ەكەن. وسى حابارعا كەلەردٸڭ الدىندا دەنساۋلىق ساقتاۋ مينيسترٸ الەكسەي تسويمەن كەڭەسكەنٸمدە اۋىرىپ تۇرعان ادام 6 ايدان كەيٸن ۆاكتسينا سالدىرۋعا بولاتىندىعىن ايتتى. مەندە ۆاكتسينا سالدىرسام دەپ وتىرمىن. وتاندىق ۆاكتسينا بۇيىرتسا سەۋٸر ايىنىڭ سوڭىندا قولدانىسقا ەنگٸزٸلەدٸ», - دەدٸ ول.
وسى رەتتە ول رەسەيلٸك جەنە قازاقستاندىق ۆاكتسينانىڭ قايسىسىن سالدىراتىندىعىن اتادى.
«مەن وتاندىق ۆاكتسينانى سالدىراتىن شىعارمىن. ٶيتكەنٸ, وتاندىق مەديتسينانى قولداۋ ٷشٸن سونى تاڭداپ وتىرمىن. سونىمەن قاتار بارشاڭىزدى ۆاكتسينا سالدىرۋعا شاقىرامىن. مەملەكەت باسشىسىنىڭ ٶزٸ دە بٸرنەشە رەت حالىقتى ۆاكتسينا سالدىرۋعا شاقىرىپ, ٸندەتتەن قۇتىلۋدىڭ جالعىز جولى ۆاكتسينا ەكەندٸگٸن ايتتى. شىن مەنٸندە بٷكٸل ەلەم حالقى سالدىرىپ جاتقاننان كەيٸن كەرتارتپا پٸكٸرلەرگە ەرمەي, ۆاكتسينا سالدىرۋ كەرەك», - دەدٸ بەرٸك ۋەلي.
