فوتو: اقوردا
مەملەكەت باسشىسى «قازپوشتا» اق باسقارما تٶراعاسى ەسەل جاناسوۆانى قابىلدادى, دەپ حابارلايدى Ult.kz.
پرەزيدەنتكە كومپانييانىڭ بىلتىر اتقارعان قىزمەتٸنٸڭ نەتيجەلەرٸ, قارجىلىق جاعدايى, سونداي-اق دامۋدىڭ پەرسپەكتيۆتٸ باعىتتارى تۋرالى ەسەپ بەرٸلدٸ. ەسەل جاناسوۆانىڭ ايتۋىنشا, سوڭعى ەكٸ جىلدا «قازپوشتا» تازا تابىس تاۋىپ, بيۋدجەتكە 45 ميلليارد تەڭگە كٶلەمٸندە سالىق جەنە باج الىمدارىن تٶلەدٸ.
قاسىم-جومارت توقاەۆقا كومپانييا دٷنيەجٷزٸلٸك پوشتا وداعىنىڭ رەيتينگٸسٸ بويىنشا العاش رەت ەڭ ٷزدٸك 50 پوشتا وپەراتورىنىڭ قاتارىنا كٸرگەنٸ جٶنٸندە باياندالدى. تاسىمال ٷدەرٸسٸن وڭتايلاندىرۋ ەسەبٸنەن پوشتالىق جٶنەلتٸلٸمدەردٸڭ كٶلەمٸ 26 پايىزعا ٶستٸ. اتاپ ايتقاندا, 20 ميلليون, سونىڭ ٸشٸندە 9 ميلليون حالىقارالىق سەلەمدەمە جەتكٸزٸلگەن.
مەملەكەت باسشىسىنا HomePost جوباسىنىڭ جٷزەگە اسىرىلۋ بارىسى تانىستىرىلدى. اتالعان باستاما اياسىندا ٷي جانىنداعى دٷكەندەر اۋماعىندا تاپسىرىستاردى بەرۋگە ارنالعان 180 پۋنكت اشىلدى. بيىل ولاردىڭ سانى 1 مىڭعا جەتەدٸ. YTO Express كومپانيياسىمەن ىنتىماقتاستىق شەڭبەرٸندە پوشتالىق ينفراقۇرىلىمدى جاڭعىرتۋعا 50 ميلليون دوللار كٶلەمٸندە ينۆەستيتسييا تارتىلدى.
«قازپوشتا» اق باسقارما تٶراعاسى پرەزيدەنتكە قىزمەت ساپاسىن جاقسارتۋ ماقساتىندا ەنگٸزٸلەتٸن يننوۆاتسييا جايىندا ايتتى. وسى ورايدا Japan Post, Toshiba جەنە Cainiao كومپانييالارىمەن كٶلٸك جەنە لوگيستيكا سالالارىندا بٸرلەسكەن جوبالار جٷزەگە اسىرىلىپ جاتىر. بۇدان بٶلەك, حالىقارالىق ماركەتپلەيستەرگە قولجەتٸمدٸلٸكتٸ قامتاماسىز ەتەتٸن Keruen سەرۆيسٸ دامىپ كەلەدٸ.
قاسىم-جومارت توقاەۆقا اقتٶبە ەۋەجايىندا مۋلتيمودالدى قويما سالۋ جوسپارلانىپ وتىرعانى جٶنٸندە ايتىلدى. اۋماعى 15 مىڭ شارشى مەتر بولاتىن بۇل نىسان تٷركييانىڭ S-Sistem كومپانيياسىمەن سەرٸكتەستٸك نەگٸزٸندە بوي كٶتەرەدٸ.
كەزدەسۋ سوڭىندا مەملەكەت باسشىسى كومپانييانىڭ قارجىلىق جاعدايىن جاقسارتۋ, ەلٸمٸزدٸڭ تمد-عا باعىتتالعان كٶلٸك-لوگيستيكا ەلەۋەتٸن ەلەكتروندى ساۋدا سالاسىندا دامىتۋ جەنە تسيفرلىق شەشٸمدەر ەنگٸزۋ بويىنشا جۇمىستاردى جالعاستىرۋدى تاپسىردى.
