قازاقستان پرەزيدەنتٸ دەستٷر بويىنشا ەلوردا كٷنٸنە ارنالعان مەرەكەلٸك ٸس-شارانى اشاتىن مەملەكەتتٸك تۋدى كٶتەرۋ سالتاناتتى رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
– قازاقستاننىڭ تۋى جوعارى ەۋەلەپ كٶتەرٸلگەندە جٷرەگٸمٸزدٸ تەۋەلسٸز ەلٸمٸزدٸڭ بارلىق جەتٸستٸگٸنە دەگەن ماقتانىش سەزٸمٸ باۋراپ الادى. باس قالامىز قالىپتاسقان سەتتەن باستاپ, دامۋدىڭ قازاقستاندىق ٷلگٸسٸنٸڭ ايقىن جەتٸستٸككە جەتكەنٸن كٶرسەتٸپ كەلەدٸ – دەدٸ قاسىم-جومارت توقاەۆ.
مەملەكەت باسشىسى ەسكەري وقۋ ورنى تٷلەكتەرٸنٸڭ الدىندا سٶيلەگەن سٶزٸندە قازاقستاننىڭ تۋىن ٶڭٸردە جەنە بٷكٸل جەر شارىندا قاۋٸپسٸزدٸك پەن تۇراقتىلىقتى قامتاماسىز ەتۋگە باعىتتالعان بەيبٸتشٸلٸك پەن ساليقالى ساياساتتىڭ سيمۆولى رەتٸندە بٷكٸل ەلەم بٸلەتٸنٸن ايتتى.
– قازٸرگٸ كٷردەلٸ جاھاندىق احۋالدا بٸزدٸڭ ەر ازاماتتارىمىز تٷرلٸ شيەلەنٸس وشاقتارىنا بارىپ, بٸتٸمگەرلٸك ميسسيياسىن ابىرويمەن اتقارۋدا. بٸلٸكتٸ ەسكەري قىزمەتكەر ادامگەرشٸلٸك قۇندىلىقتارىن بيٸك ۇستايتىن, تەمٸردەي تەرتٸپتٸ ساقتايتىن, تاباندى ەڭبەك ەتەتٸن ادام بولۋى تيٸس. قازاقستاننىڭ قاۋٸپسٸزدٸگٸ – سٸزدەردٸڭ ساپالى جۇمىستارىڭىزعا تٸكەلەي بايلانىستى, – دەدٸ قاسىم-جومارت توقاەۆ.
رەسٸم بارىسىندا جوعارى ەسكەري وقۋ ورنىنىڭ 27 ٷزدٸك تٷلەگٸ قازاقستان پرەزيدەنتٸ – قازاقستان رەسپۋبليكاسىنىڭ جوعارعى باس قولباسشىسىنىڭ قولىنان وفيتسەر پوگونىن الدى.
سوڭىندا قاسىم-جومارت توقاەۆ بارلىق قاتىسۋشىلاردى كەلە جاتقان ەلوردا كٷنٸمەن قۇتتىقتاپ, قازاقستان حالقىنا بەيبٸتشٸلٸك پەن باق-بەرەكە تٸلەدٸ.
