فوتو: اقوردا
اقوردا رەزيدەنتسيياسىندا اقش ەلشٸسٸ دجۋلي ستاففت پەن بولگارييا ەلشٸسٸ گەورگي ۆودەنسكيدٸڭ قازاقستان پرەزيدەنتٸنە سەنٸم گراموتالارىن تاپسىرۋ رەسٸمٸ ٶتتٸ.
مەملەكەت باسشىسى بولگارييا ەلشٸسٸ ارقىلى پرەزيدەنت رۋمەن رادەۆكە سەلەمٸن جولداپ, ونىڭ بىلتىر ەلٸمٸزگە جاساعان رەسمي ساپارى ەكٸجاقتى قارىم-قاتىناسقا ايتارلىقتاي تىڭ سەرپٸن بەرگەنٸن ايتتى.
– سٸزدٸڭ ەلٸڭٸزبەن ىنتىماقتاستىقتى ودان ەرٸ نىعايتۋعا مٷددەلٸمٸز. ساياسي, سونداي-اق ەكونوميكالىق باعىتتاعى ىقپالداستىق اياسىن كەڭەيتۋ ٷشٸن قولدان كەلگەن مٷمكٸندٸكتٸڭ بەرٸن جاسايمىز, – دەدٸ قازاقستان پرەزيدەنتٸ.
قاسىم-جومارت توقاەۆ دجۋلي ستاففتپەن ەڭگٸمەلەسۋ بارىسىندا اقش-قا جاساعان ساپارى تابىستى ٶتكەنٸن ىقىلاسپەن ەسكە الدى.
– پرەزيدەنت دونالد ترامپ مىرزامەن دوستىق رەۋٸشتە مازمۇندى ەڭگٸمە ٶربٸتٸپ, كەلٸسسٶزدەر جٷرگٸزدٸك. تاياۋدا بٸز تەلەفون ارقىلى ەمەن-جارقىن سٶيلەسٸپ, ەكٸجاقتى ىنتىماقتاستىعىمىزعا قاتىستى كٶپتەگەن مەسەلەنٸ تالقىلادىق. مەنٸ جىل سوڭىندا قۇراما شتاتتاردا ٶتەتٸن G20 سامميتٸنە قاتىسۋعا شاقىرعانى ٷشٸن العىس ايتامىن. بٸز كٶپتەگەن سالاداعى ستراتەگييالىق سەرٸكتەستٸگٸمٸزدٸ دامىتىپ, نىعايتۋعا كٷش سالامىز, – دەدٸ مەملەكەت باسشىسى.
قاسىم-جومارت توقاەۆ ەلشٸلەردٸ ديپلوماتييالىق ميسسييالارىنىڭ رەسمي تٷردە باستالۋىمەن قۇتتىقتاپ, ولاردىڭ مەملەكەتتەرٸ باسشىلارىنا ٸزگٸ تٸلەگٸن جولدادى.
