پرەزيدەنت قاسىم-جومارت توقاەۆ الاتاۋ قالاسىن دامىتۋعا ارنالعان جيىندا ەل ٸشٸندە ايتىلىپ جٷرگەن “شترافستان” اتاۋىنا قاتىستى پٸكٸر بٸلدٸرٸپ, مۇنداي سٶزدەردٸ قولداناتىن كەيبٸر دەپۋتاتتاردى سىنعا الدى, دەپ حابارلايدى ult.kz.
اقوردانىڭ جازۋىنشا, مەملەكەت باسشىسى ٶز سٶزٸندە “تازا قازاقستان” تۇجىرىمداماسىنىڭ ماڭىزىن اتاپ ٶتٸپ, ەلدٸ كٶگالداندىرۋ, قالالار مەن اۋىلداردى كٶركەيتۋ, ەكولوگييالىق مەدەنيەتتٸ ارتتىرۋ – مەملەكەت ساياساتىنىڭ ماڭىزدى باعىتى ەكەنٸن ايتتى.
– قالالار مەن اۋىلداردى كٶركەيتۋگە, تابيعاتتى قورعاۋعا ەرەكشە مەن بەرۋ قاجەت. تۋريستٸك ورىندارداعى تەرتٸپ پەن جاۋاپكەرشٸلٸك تە نازاردان تىس قالماۋى كەرەك. ۆانداليزممەن كٷرەس زاڭ اياسىندا جٷرگٸزٸلۋٸ تيٸس. قۇقىقتىق نيگيليزمگە قوعام بولىپ قارسى تۇرۋىمىز قاجەت, – دەدٸ پرەزيدەنت.
توقاەۆتىڭ ايتۋىنشا, زاڭعا قۇرمەت كٶرسەتۋ – تەك جازادان قورقۋ ەمەس, ول ازاماتتىق جاۋاپكەرشٸلٸكتٸڭ كٶرٸنٸسٸ.
پرەزيدەنت قازٸرگٸ كٷردەلٸ گەوساياسي جاعدايدا ەلگە ەڭ الدىمەن تۇراقتىلىق پەن بٸرلٸك قاجەت ەكەنٸن دە ەرەكشە اتاپ ٶتتٸ. ونىڭ سٶزٸنشە, بۇل بولماسا, ەشقانداي رەفورما نەتيجەلٸ بولمايدى.
– كەيبٸر ازاماتتار, سونىڭ ٸشٸندە پارلامەنت ٶكٸلدەرٸ دە بار, ەلدٸ “شترافستان”, “ايىپپۇلستان” دەپ اتاپ جٷر. بۇل – دۇرىس كٶزقاراس ەمەس. بٸز قۇقىقتىق تەرتٸپتٸ نىعايتۋ جولىنان تايمايمىز. “زاڭ مەن تەرتٸپ” قاعيداسى – قوعامنىڭ سۇرانىسى, – دەدٸ مەملەكەت باسشىسى.
پرەزيدەنت بۇل باعىتتاعى ساياساتتىڭ جالعاساتىنىن جەنە قوعامدىق قاۋٸپسٸزدٸك پەن تەرتٸپ مەملەكەت ٷشٸن باسىمدىق بولىپ قالا بەرەتٸنٸن ايتتى.
