فوتو: اقوردا
پرەزيدەنتكە مينيسترلٸكتٸڭ مەدەنيەت, اقپارات, ازاماتتىق قوعام, دٸن, ەتنوسارالىق قاتىناس, جاستار ساياساتى, كرەاتيۆتٸ يندۋسترييا, وتباسى-دەموگرافييالىق ساياسات, مۇراعات جەنە كٸتاپحانا ٸسٸ سالالارىندا بيىلعى اتقارعان شارالارى, سونداي-اق ۆەدومستۆونىڭ 2025 جىلعا ارنالعان پەرسپەكتيۆتٸ جوسپارلارىن جٷزەگە اسىرۋعا دايىندىعى جٶنٸندە مەلٸمەت بەرٸلدٸ.ايدا بالاەۆانىڭ ايتۋىنشا, بيىل العاش رەت قازاق ٶنەرٸ ەلەمگە ەيگٸلٸ ارت-الاڭداردا, اتاپ ايتقاندا, ۆەنەتسييا بيەننالەسٸندە, گيمە ازييا ٶنەرٸ مۋزەيٸندە تانىستىرىلدى. قازاقستاننىڭ باسپا ٶنٸمدەرٸ فرانكفۋرت كٸتاپ جەرمەڭكەسٸندە كٶرسەتٸلدٸ.
سەگٸز تٸلدە Qazaq سulture اقپاراتتىق-اعارتۋشىلىق پلاتفورماسىن ٸسكە قوسۋ ەلٸمٸزدٸڭ تاريحىن, مەدەنيەتٸن جەنە سالت-دەستٷرٸن دەرٸپتەۋ تۇرعىسىنان ماڭىزدى جوباعا اينالدى. بۇدان بٶلەك, استانادا ٶتكەن V دٷنيەجٷزٸلٸك كٶشپەندٸلەر ويىندارىنىڭ اشىلۋ جەنە جابىلۋ سالتاناتى ايتۋلى مەدەني-بۇقارالىق ٸس-شارا رەتٸندە باعالاندى.
قاسىم-جومارت توقاەۆقا مينيسترلٸكتٸڭ زاڭ جوبالارىن ەزٸرلەۋ باعىتىندا اتقارعان جۇمىسى تۋرالى باياندالدى. اتاپ ايتقاندا, بيىل ەلٸمٸزدە جۋرناليستەردٸڭ مەرتەبەسٸن ارتتىرۋدى كٶزدەيتٸن جاڭا باق تۋرالى زاڭ قابىلداندى. «قازاقفيلم» كينوستۋديياسىن تٸكەلەي قارجىلاندىرۋدى قاراستىراتىن زاڭنامالىق ٶزگەرٸستەر پارلامەنت قاراۋىنا ۇسىنىلدى.
مەملەكەت باسشىسىنا ەرٸكتٸلەر قوزعالىسىن دامىتۋ شارالارى جٶنٸندە ەسەپ بەرٸلدٸ. مينيستردٸڭ ايتۋىنشا, 2022 جىلمەن سالىستىرعاندا, بەلسەندٸ ەرٸكتٸلەر سانى 240 مىڭ ادامعا دەيٸن ارتتى. جىل سايىن 50-دەن استام ۆولونتەرلٸك جوبا جٷزەگە اسىرىلادى, سونداي-اق 7 قازاقستاندىق ەرٸكتٸ بۇۇ قۇرىلىمدارىنا جٸبەرٸلدٸ.
ايدا بالاەۆا كرەاتيۆتٸ يندۋسترييانى قولداۋ شارالارى ەزٸرلەنگەنٸن جەتكٸزدٸ. ولاردىڭ قاتارىندا كرەاتيۆتٸ يندۋسترييا قورىن قۇرۋ, ورتالىق جەنە جەرگٸلٸكتٸ اتقارۋشى ورگانداردىڭ قۇزىرەتٸن كەڭەيتۋ باستامالارى بار. كرەاتيۆتٸ يندۋسترييا سۋبەكتٸلەرٸنە ارنايى سالىق رەجيمٸ ەنگٸزٸلدٸ. جىل باسىنان بەرٸ ەلٸمٸزدە 10 كرەاتيۆتٸ ورتالىق پەن حاب اشىلدى.
كەزدەسۋ سوڭىندا پرەزيدەنت كەلەسٸ جىلى ٶتەتٸن قازاقستان حالقى اسسامبلەياسىنىڭ 30 جىلدىعى, ۇلى جەڭٸستٸڭ 80 جىلدىعى, ەلەمدٸك جەنە دەستٷرلٸ دٸندەر كٶشباسشىلارىنىڭ سەزٸ سەكٸلدٸ مەرەيتويلىق ەرٸ ماڭىزدى ٸس-شارالارعا دايىندىق بارىسىن جٸتٸ باقىلاۋعا الۋدى تاپسىردى.
