فوتو: primeminister.kz
ٷكٸمەت باسشىسى ەليحان سمايىلوۆ ازىق-تٷلٸك باعاسىنىڭ قىمباتتاۋىنا بايلانىستى ەكٸمدەردٸ سٶكتٸ, دەپ حابارلايدى "ۇلت اقپارات" Sputnik قازاقستان سايتىنا سٸلتەمە جاساپ.
"بٸز بىلتىر قاجەتتٸ قوردى جيناقتاپ الدىق. سوندىقتان كٶكٶنٸس ٶنٸمدەرٸ جاعىنان تاپشىلىعى بولماۋعا تيٸس ەدٸ. ەكٸمدەرگە باعانى ۇستاۋ ٷشٸن قاجەتتٸ تەتٸكتەردٸڭ بارلىعىن بەردٸك, قارجى دا بٶلٸندٸ. بٸراق باعا بەرٸبٸر ٶسٸپ كەلە جاتىر. ەكٸمدٸكتەردٸڭ تيٸمدٸ جۇمىسىن كٶرٸپ وتىرعان جوقپىن. جەرگٸلٸكتٸ جەرلەردە اتالعان مەسەلەگە سالعىرت قاراۋدىڭ سالدارىنان باعانىڭ ٶسۋٸ توقتايتىن ەمەس", - دەدٸ سمايىلوۆ ٷكٸمەتتٸڭ بٷگٸنگٸ وتىرىسىندا.
وسى ورايدا پرەمەر پيياز مەسەلەسٸن دە ەسكە سالدى. ەكٸمدەرگە الدىن الا كەلٸسٸمشارت جاساۋعا تاپسىرما بەرٸلگەن. بٸراق ولار بٸرنەشە رەت پيياز جەتكٸلٸكتٸ دەپ ايتقان.
"ٶڭٸرلەرگە پييازدى مەردٸگەرلٸكپەن قامتاماسىز ەتۋ تاپسىرىلدى. ەكٸمدەر ٶز ٶڭٸرلەرٸنٸڭ سۇرانىسىن قاناعاتتاندىردىق دەپ بٸرنەشە رەت ەسەپ بەردٸ.
وندا پيياز نەگە قىمباتتاپ جاتىر? بٸزدە پيياز كٶپ ٶسەدٸ. الايدا باعانى تٶمەندەتۋ ٷشٸن پيياز ەكسپورتىنا تىيىم سالىپ, شۇعىل شارالار قابىلداۋعا مەجبٷر بولدىق. بٸز بٸرٸنشٸ كەزەكتە ٶنٸم ٶندٸرۋشٸلەردٸ فورۆاردتىق ساتىپ الۋ مەحانيزمدەرٸن قايتا قارادىق. الايدا ەكٸمدەر جەتكٸزۋشٸلەرگە قارجى بٶلۋدٸ دوعارماي وتىر. ٶكٸنٸشكە قاراي, ول دەلدالداردى كٶبەيتكەننەن باسقا نەتيجە بەرٸپ جاتقان جوق", - دەپ اتاپ كٶرسەتتٸ ٷكٸمەت باسشىسى.
بۇدان بٶلەك, ٶڭٸرلەرگە تۇراقتاندىرۋ قورلارىن تيٸمدٸ باعامەن تولتىرىپ الۋعا مٷمكٸندٸك بەرٸلدٸ. بٸراق تيٸمدٸ جۇمىس كٶرٸنبەيدٸ. ال بيىل ينفلياتسييانىڭ دەڭگەيٸن 9,5 پروتسەنتتەن اسىرماۋ قاجەت.
"بۇعان قول جەتكٸزۋگە ەبدەن بولادى. ول ٷشٸن تەك بارلىق ٶڭٸردٸڭ ازىق-تٷلٸك باعاسىن تۇراقتاندىرۋ, ەسٸرەسە, ماۋسىمارالىق كەزەڭدە باعانى ۇستاپ تۇرۋ بويىنشا بەلسەندٸ جۇمىسى قاجەت. سٸزدەردە قاجەتتٸ قۇرالدىڭ بەرٸ بار", - دەيدٸ سمايىلوۆ.
