ەكولوگييا, گەولوگييا جەنە تابيعي رەسۋرستار ۆيتسە-مينيسترٸ احمەتجان پٸرٸمقۇلوۆ ەكولوگييالىق تٶلەمدەردەن تٷسەتٸن قاراجات قانداي ماقساتقا جۇمسالۋى كەرەكتٸگٸن تٷسٸندٸردٸ, دەپ حابارلايدى قازاقپارات.
«ماڭىزدى مەسەلەنٸڭ تاعى بٸر تارماعى – ەكولوگيياعا بيۋدجەت قاراجاتىن شىعىنداۋ مەسەلەسٸ. حالىق پەن بيزنەس ٶكٸلدەرٸ «كەسٸپورىنداردىڭ ەميسسييا ٷشٸن جەرگٸلٸكتٸ بيۋدجەتكە تٶلەپ جاتقان قاراجاتى قايدا كەتٸپ جاتىر, ٶڭٸردە ەكولوگييالىق اۋحالدى جاقسارتۋ ٷشٸن نە جاسالادى?» دەگەن مەسەلەنٸ جيٸ كٶتەرەدٸ. ستاتيستيكا كٶرسەتٸپ وتىرعانداي, ايماقتار ەكولوگييالىق تٶلەمنەن جينالعان قاراجاتتىڭ ورتاشا ەسەپپەن 40 پايىزىن عانا ەكولوگيياعا جۇمسايدى. كەيبٸر ٶڭٸردە بۇل كٶرسەتكٸش تٸپتٸ 5 پايىزعا دا جەتپەيدٸ. سول سەبەپتٸ بٸز بۇل قاراجاتتىڭ بەرٸ دە ەكولوگيياعا, قورشاعان ورتانى قورعاۋعا جۇمسالۋى كەرەكتٸگٸ تۋرالى نورمانى (ەكولوگييالىق كودەكس جوباسىنا) ەنگٸزدٸك», - دەدٸ احمەتجان پٸرٸمقۇلوۆ وكق-دا ونلاين رەجيمدە ٶتكەن باسپاسٶز مەسليحاتىندا.
ۆيتسە-مينيستر ناقتىراق ايتقاندا ەكولوگييالىق تٶلەمدەردەن جينالعان اقشا كٶگالداندىرۋعا, ساياباقتار مەن كەرٸزدٸك تازالاۋ قۇرىلىمدارىنىڭ قۇرىلىسىنا, تۇرمىستىق قالدىقتار پوليگونىن قالپىنا كەلتٸرۋگە جۇمسالۋى كەرەكتٸگٸن جەتكٸزدٸ.
«2025 جىلدان باستاپ جاڭا تەحنولوگييالاردى ٶندٸرٸسكە ەنگٸزبەگەن كەسٸپورىندارعا ەميسسييا ٷشٸن سالىناتىن سالىق ارتادى. وسى سالىق تا اينالىپ كەلگەندە ەكولوگييالىق شىعىندار ٷشٸن جۇمسالۋى تيٸس. ٶز ٶندٸرٸسٸن جاقسارتقىسى كەلمەگەندەر – كٶبٸرەك اقشا تٶلەۋٸ تيٸس. ال جەرگٸلٸكتٸ اتقارۋشى ورگاندار بۇل قاراجاتتى ەكولوگييالىق احۋالدى جاقسارتۋعا جۇمساۋى تيٸس», - دەدٸ ول.
ۆيتسە-مينيستر سونىمەن قاتار اۋا زيياندى زاتتاردى شىعاراتىن ورىندارعا مونيتورينگ پەن باقىلاۋ جٷرگٸزۋدٸڭ اۆتوماتتاندىرىلعان جٷيەسٸن ەنگٸزۋ نورماسى مٸندەتتٸ بولۋى كەرەكتٸگٸن ايتىپ ٶتتٸ.
«قوعام كەسٸپورىنداردىڭ شىعارىندىلارى تۋرالى مەلٸمەتتٸ اشىق بٸلۋٸ كەرەك دەپ ەسەپتەيمٸز. جالپى ەلدە ەكولوگييالىق بەلسەندٸلٸك ارتىپ كەلەدٸ», - دەدٸ ول.
