رەسەي پرەزيدەنتٸ ۆلاديمير پۋتيننٸڭ باسپاسٶز حاتشىسى دميتريي پەسكوۆ رەسەي ٶز اۋماعىندا زىمىراندارىن قالاعان جەرٸنە ورنالاستىراتىنىن مەلٸمدەدٸ, دەپ حابارلايدى ۇلت.كز تٸلشٸسٸ ازاتتىققا سٸلتەمە جاساپ.
پەسكوۆ بۇل جايىندا 6 اقپاندا كالينينگراد وبلىسىنا جەدەل-تاكتيكالىق ەرەكەت ەتەتٸن «يسكاندەر» زىمىران كەشەندەرٸن ورنالاستىرۋعا قاتىستى كوممەنتاريٸندە ايتتى. 5 اقپان كٷنٸ ليتۆا پرەزيدەنتٸ داليا گريباۋسكايتە «كالينينگراد وبلىسىنا «يسكاندەر» كەشەندەرٸ ۇزاق ۋاقىتقا ورناتىلىپ جاتقانىن» مەلٸمدەگەن.
ليتۆانىڭ رۋكلا قالاسىنداعى ناتو ەسكەرٸ ورنالاسقان جەرگە بارعان گريباۋسكايتە زىمىران كەشەندەرٸ ليتۆانىڭ عانا ەمەس, «ەۋروپا ەلدەرٸنٸڭ جارتىسىنا» قاۋٸپ تٶندٸرەتٸنٸن ايتقان.
رەسەي مەملەكەتتٸك دۋماسى قورعانىس كوميتەتٸنٸڭ تٶراعاسى ۆلاديمير شامانوۆ 5 اقپان كٷنٸ رەسەيلٸك باق-قا بەرگەن كوممەنتاريٸندە زىمىران كەشەندەرٸ ورناتىلىپ جاتقانىن راستاعان.
پەنتاگون بۇعان دەيٸن رەسەيدٸڭ ٶز اۋماعىنا ورتا قاشىقتىققا ۇشاتىن ۇشاتىن زىمىراندار ورناتۋىن «1987 جىلى جاسالعان ورتا جەنە قىسقا قاشىقتىققا ۇشاتىن زىمىرانداردى جويۋ تۋرالى كەلٸسٸمنٸڭ ماقساتى مەن مەنٸن بۇزادى» دەپ ايىپتاعان. ول كەلٸسٸم بويىنشا, 500 كيلومەتردەن 5500 كيلومەتر قاشىقتىققا دەيٸن ۇشاتىن بالليستيكالىق جەنە قاناتتى زىمىراندارعا تىيىم سالىناتىن بولعان.
امەريكالىق ەسكەري شەنەۋنٸكتەر بۇعان دەيٸن رەسەي زىمىراندارىن «ناتو ەلدەرٸ مەن اليانسقا قارايتىن نىساندارعا قاۋٸپ تٶندٸرۋ ٷشٸن ەدەيٸ ورناتىپ جاتقانىن» مەلٸمدەگەن.
