كرەمل باسپاسٶز حاتشىسى دميتريي پەسكوۆ الەكسەي ناۆالنىيدىڭ جاعدايىنا بايلانىستى ٸس قوزعاۋعا ەزٸرگە نەگٸز جوق, سەبەبٸ ونى ەزٸرگە نەمەن ۋلاندىرعانى بەلگٸسٸز دەپ مەلٸمدەدٸ. وپپوزيتسييالىق ساياساتكەردٸ ەمدەپ جاتقان بەرليندەگٸ "شاريتە" اۋرۋحاناسى بٸر كٷن بۇرىن ناۆالنىيدىڭ اعزاسىنان ۋلى زاتتار تابىلعانىن حابارلاعان بولاتىن. اۋرۋحانانىڭ مەلٸمدەمەسٸنە بايلانىستى تٷسٸنٸكتەمە بەرگەن پەسكوۆ 25 تامىزدا "وعان قاستاندىقتى رەسەي بيلٸگٸ ۇيىمداستىرۋى مٷمكٸن" دەگەن ايىپتاۋلاردى جوققا شىعارىپ, "بوس ەڭگٸمە" دەپ اتادى.
"نەمٸس ەرٸپتەستەرٸمٸزدٸڭ قانداي مەلٸمەتكە سٷيەنٸپ "ۋلاندى" دەپ وتىرعانىن تٷسٸنبەيمٸن. بٸزدٸڭ دەرٸگەرلەر مۇنداي بولجامدى ەۋ باستان-اق ايتقان, بٸراق حيمييالىق زات انىقتالمادى" دەدٸ پەسكوۆ 25 تامىز كٷنگٸ بريفينگ كەزٸندە.
پەسكوۆ وپپوزيتسيونەردٸڭ كوماعا تٷسۋٸنە ىقپال ەتكەن زات انىقتالعان جاعدايدا زەرتتەۋگە نەگٸز پايدا بولادى دەدٸ. ونىڭ پٸكٸرٸنشە, نەمٸس دەرٸگەرلەرٸ ومبى دەرٸگەرلەرٸنەن اسىپ تٷسەتٸندەي جاڭا نەرسە ايتپاعان.
"بارلىق دەرٸگەردٸڭ ساراپتاماسى بٸر, بٸراق قورىتىندىسى ەرتٷرلٸ" دەدٸ ول.
- 24 تامىزدا ناۆالنىيدى ەمدەپ جاتقان بەرليندەگٸ “شاريتە” اۋرۋحاناسى ساياساتكەردٸڭ اعزاسىنان ينگيبيتور حولينەستەراز توبىنا جاتاتىن ۋلى زاتتار تابىلعانىن حابارلاعان بولاتىن. بۇل توپقا ەسكەري ماقساتتا قولدانىلاتىن رەسەيلٸك “نوۆيچوك” ۋى دا كٸرەدٸ, ودان كٶپ ادامدار زارداپ شەككەن.
-
دٷيسەنبٸ كٷنٸ كەشكە ومبى وبلىسىنىڭ باس توكسيكولوگى الەكساندر ساباەۆ ناۆالنىي اعزاسىنان ينگيبيتور حولينەستەراز تابىلماعانىن ايتقان ەدٸ. ونىڭ سٶزٸنە قاراعاندا ناۆالنىيدان بۇل توپقا كٸرەتٸن زاتتان ۋلانعانىن دەلەلدەيتٸن كلينيكالىق بەلگٸلەر بايقالماعان.
-
24 تامىز كٷنگٸ مەلٸمەت بويىنشا, الەكسەي ناۆالنىيدىڭ جاعدايى اۋىر. ساياساتكەر ەلٸ ەسٸن جيمادى. ونىڭ ٶمٸرٸنە قاۋٸپ جوق, بٸراق دەرٸگەرلەردٸڭ ايتۋىنشا, ۋ ۇزاق ۋاقىت ەسەر ەتۋٸ مٷمكٸن. جاقتاستارى ونىڭ ۋلانۋىنا بايلانىستى قاستاندىق جاساۋ بابى بويىنشا قىلمىستىق ٸس قوزعاۋدى تالاپ ەتٸپ وتىر.
