فوتو: اقمولا وبلىستىق پوليتسييا دەپارتامەنتٸ
«استانا-ەرەيمەنتاۋ-شٸدەرتٸ» اۆتوجولىندا «مەرسەدەس» ماركالى شاعىن اۆتوبۋستىڭ قاتىسۋىمەن جول-كٶلٸك اپاتى بولدى, دەپ حابارلايدى اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
الدىن الا بولجام بويىنشا, شاعىن اۆتوبۋستىڭ جٷرگٸزۋشٸسٸ جولدا كەلە جاتىپ جٷك كٶلٸگٸن وزىپ ٶتپەكشٸ بولعان ۋاقىتتا اۋدارىلعان.
— اۆتوبۋس سالونىندا 14-16 جاس ارالىعىنداعى 16 بالا جەنە جاتتىقتىرۋشى بولعان. ولار جارىسقا قاتىسۋ ٷشٸن پاۆلودار قالاسىنان استانا قالاسىنا كەلە جاتقان. اتالعان دەرەك بويىنشا, قىلمىستىق ٸس قوزعالدى, قاجەتتٸ تەرگەۋ-تەكسەرۋ شارالارى جٷرگٸزٸلٸپ جاتىر, — دەپ حابارلادى اقمولا وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
بەلگٸلٸ بولعانداي, بالالار جەكە مەنشٸك سپورت مەكتەبٸندە جاتتىققان. سپورت مەكتەبٸنٸڭ باسشىلىعى ٶز شەكٸرتتەرٸن جارىسقا جٸبەرگەن ۋاقىتتا ول تۋرالى پوليتسييا قىزمەتكەرلەرٸنە ەسكەرتپەگەن. سەيكەسٸنشە جولدا پاترۋلدٸك كٶلٸك اۆتوبۋسپەن بٸرگە جٷرمەگەن. اتالعان دەرەك بويىنشا تەكسەرۋ جٷرگٸزٸلٸپ جاتىر.
ەسكە سالا كەتەيٸك, قوسشىدا بالالار مٸنگەن شاعىن اۆتوبۋس اپاتقا ۇشىرادى.
