ەلدەگٸ بارلىق ۇرلىق تٷرٸنٸڭ ٸشٸندە پەتەر ۇرلىعىنىڭ ٷلەسٸ 22,5 پايىزدى قۇرايدى. بۇل تۋرالى ٸٸم قىلمىستىق پوليتسييا دەپارتامەنتٸنٸڭ باسقارما باستىعى نۇرجان راحمەتۋللاەۆ ايتتى, دەپ حابارلايدى "ۇلت اقپارات".
«پەتەر ۇرلىعىنىڭ زالالى شامالى بولعان كٷندە دە تۋرا وسى قىلمىس مٷلٸك يەلەرٸنە ايتارلىقتاي ماتەريالدىق جەنە مورالدىق زييان كەلتٸرەدٸ. ازاماتتاردىڭ قاۋٸپسٸزدٸگٸ مەن ٶمٸر سٷرۋ جايلىلىعىنىڭ جالپى دەڭگەيٸنە جاعىمسىز ەسەر ەتەدٸ», - دەدٸ ول ۆەدومستۆودا ٶتكەن باسپاسٶز مەسليحاتىندا.
وسىعان بايلانىستى قۇقىق قورعاۋ ورگاندارىنا قىلمىستىڭ وسى تٷرٸنٸڭ الدىن الۋ بويىنشا ەرەكشە مٸندەتتەر جٷكتەلٸپ وتىر.
«كريمينوگەندٸك جاعدايعا جاسالعان تالداۋ كٶرسەتكەندەي, سوڭعى 4 جىلدا رەسپۋبليكا بويىنشا پەتەر ۇرلىعىنىڭ ٷشتەن بٸرگە تٶمەندەگەنٸ بايقالادى. وسىلايشا, سوڭعى 11 ايىنىڭ قورىتىندىسى بويىنشا 30 مىڭعا جۋىق پەتەر ۇرلىعى تٸركەلگەن. بۇل بىلتىرعى جىلدىڭ وسىنداي كەزەڭٸمەن سالىستىرعاندا 7,5 پايىزعا تٶمەن. مۇنداعى قىلمىستىڭ جارتىسى اشىلماي قالعان. 6733 قىلمىسكەر ۇستالدى», - دەيدٸ ول.
ٸٸم ٶكٸلٸنٸڭ ايتۋىنشا, جالپى سانى 150 ادامنان تۇراتىن 43 قىلمىستىق توپ ۇستالعان.
«وسىلايشا, الماتى قالاسىندا جىلدىڭ باسىنان بەرٸ الماتى, شىعىس-قازاقستان جەنە پاۆلودار وبلىستارىنىڭ تۇرعىندارىنان تۇراتىن 7 قىلمىستىق توپ قۇرىقتالدى. ولار 31 پەتەر ۇرلىعىن جاساۋمەن ەشكەرەلەنگەن. نۇر-سۇلتان, الماتى, شىمكەنت, اقمولا, اقتٶبە, باتىس-قازاقستان, قاراعاندى شىعىس-قازاقستان وبلىستارىنان «ۇرى-گاسترولەرلەردەن» تۇراتىن جەنە جالپى العاندا 50 پەتەر ۇرلىعىن جاساعان 9 قىلمىستىق توپتىڭ قىلمىستىق ەرەكەتٸ ەشكەرەلەندٸ», - دەيدٸ ول.
مىسالى, نۇر-سۇلتان قالاسىندا قۇرامىنا بويجەتكەن قىز دا كٸرگەن 4 ادامنان تۇراتىن توپ ۇستالعان. ولار بٸرىڭعاي شەت جاتقان اۋدانداردا ەرەكەت ەتكەن. ماڭدايشاسى بار ٷيلەردٸ تاڭداپ, اشىق تۇرعان جەلكٶزدەر ارقىلى نەمەسە پلاستيك تەرەزەلەردٸ ىعىستىرۋمەن پەتەرگە ەنگەن. وسى ورايدا قىز بەن جٸگٸت عاشىق جۇپتىڭ رٶلٸن ويناپ, ساقتىق شاراسى ٷشٸن كٸرەبەرٸستە تۇرعان. ولاردىڭ 12 پەتەر ۇرلىعىن جاساعانى دەلەلدەنگەن.
