سۋرەت اشىق دەرەككٶزدەن الىندى
سەنات قازاقستان رەسپۋبليكاسى ازاماتتارىنىڭ تٶلەم قابٸلەتتٸلٸگٸن جەنە بانكروتتىعىن قالپىنا كەلتٸرۋ تۋرالى زاڭ جوباسىن قابىلدادى, - دەپ حابارلايدى Tengrinews.kz پورتالى.
قارجى ۆيتسە-مينيسترٸ ەرجان بٸرجانوۆ زاڭدى ەزٸرلەۋ كەزٸندە جەكە تۇلعالاردىڭ بانكروتتىق ينستيتۋتى قالىپتاسىپ ٷلگەرگەن ەلدەردٸڭ تەجٸريبەسٸ سارالانعانىن ايتتى.
"رەسٸمدەردٸڭ 3 تٷرٸن ەنگٸزۋ ۇسىنىلىپ وتىر. بارلىق ٷش رەسٸمدٸ تەك بورىشكەر عانا باستايدى, ياعني نەسيە بەرۋشٸ نەمەسە ٶزگە كرەديتور بورىشكەرگە قاتىستى بۇل رەسٸمدەردٸ قولدانۋعا قۇقىعى جوق. بٸرٸنشٸدەن, سوتتان تىس بانكروتتىق رەسٸمٸ اياسىندا 1600 اەك-كە دەيٸن قارىزى بار ادامدار قامتىلادى. ول ٷشٸن بٸرنەشە شارت ەسكەرٸلۋٸ كەرەك. وسى ورايدا بانكتەر, ميكروقارجى ۇيىمدارى, كوللەكتورلىق اگەنتتٸكتەر الدىنداعى بەرەشەك 1600 اەك سوماسىنان اسپاۋى تيٸس", - دەيدٸ بٸرجانوۆ.
ەكٸنشٸ رەسٸماياسىندا 4,9 ميلليون تەڭگەدەن اساتىن قارىزدار بويىنشا جەنە باسقا دا بەرەشەك تٷرلەرٸ بويىنشا ازاماتتار سوت بانكروتتىعىنا جٷگٸنە الادى.
ٷشٸنشٸ رەسٸم تٶلەم قابٸلەتتٸلٸگٸن قالپىنا كەلتٸرۋگە قاتىستى. وندا تۇراقتى تابىس بولعان جاعدايدا, قارىزدى تٶلەۋ ٷشٸن (5 جىلعا دەيٸن) سوت تەرتٸبٸمەن بٶلٸپ تٶلەۋ جوسپارىن الۋ مٷمكٸندٸگٸ قاراستىرىلعان. ساۋىقتىرۋ جوسپارى قارجى باقارۋشىمەن بٸرلەسٸپ ەزٸرلەنٸپ, سوتپەن بەكٸتٸلەدٸ. بۇل پروتسەدۋرانىڭ ارتىقشىلىعى, كەيٸن ادام "بانكروت" دەگەن مەرتەبەسٸن المايدى, سوندىقتان بانكروت ٷشٸن كٶزدەلگەن سالدار وعان قولدانىلمايدى.
