Sýret ashyq derekkózden alyndy
Senat Qazaqstan Respýblikasy azamattarynyń tólem qabilettiligin jáne bankrottyǵyn qalpyna keltirý týraly zań jobasyn qabyldady, - dep habarlaidy Tengrinews.kz portaly.
Qarjy vitse-ministri Erjan Birjanov zańdy ázirleý kezinde jeke tulǵalardyń bankrottyq institýty qalyptasyp úlgergen elderdiń tájiribesi saralanǵanyn aitty.
"Rásimderdiń 3 túrin engizý usynylyp otyr. Barlyq úsh rásimdi tek boryshker ǵana bastaidy, iaǵni nesie berýshi nemese ózge kreditor boryshkerge qatysty bul rásimderdi qoldanýǵa quqyǵy joq. Birinshiden, sottan tys bankrottyq rásimi aiasynda 1600 AEK-ke deiin qaryzy bar adamdar qamtylady. Ol úshin birneshe shart eskerilýi kerek. Osy oraida bankter, mikroqarjy uiymdary, kollektorlyq agenttikter aldyndaǵy bereshek 1600 AEK somasynan aspaýy tiis", - deidi Birjanov.
Ekinshi rásimaiasynda 4,9 million teńgeden asatyn qaryzdar boiynsha jáne basqa da bereshek túrleri boiynsha azamattar sot bankrottyǵyna júgine alady.
Úshinshi rásim tólem qabilettiligin qalpyna keltirýge qatysty. Onda turaqty tabys bolǵan jaǵdaida, qaryzdy tóleý úshin (5 jylǵa deiin) sot tártibimen bólip tóleý josparyn alý múmkindigi qarastyrylǵan. Saýyqtyrý jospary qarjy baqarýshymen birlesip ázirlenip, sotpen bekitiledi. Bul protsedýranyń artyqshylyǵy, keiin adam "bankrot" degen mártebesin almaidy, sondyqtan bankrot úshin kózdelgen saldar oǵan qoldanylmaidy.
