فوتو اشىق دەرەككٶزدەن الىندى
پارلامەنت پالاتالارىنىڭ بٸرلەسكەن وتىرىسىندا «قر تۇڭعىش پرەزيدەنتٸ – ەلباسى تۋرالى» كونستيتۋتسييالىق زاڭنىڭ كٷشi جويىلدى دەپ تانۋ تۋرالى» كونستيتۋتسييالىق زاڭ قابىلداندى, دەپ حابارالايدى قازاقپارات.
وتىرىستا «قر تۇڭعىش پرەزيدەنتٸ – ەلباسى تۋرالى» كونستيتۋتسييالىق زاڭنىڭ كٷشi جويىلدى دەپ تانۋ تۋرالى» كونستيتۋتسييالىق زاڭ جوباسى ەكٸ وقىلىمدا قارالدى.
اتالعان زاڭ جوباسى جالپىۇلتتىق رەفەرەندۋم نەتيجەسٸندە قازاقستان كونستيتۋتسيياسىنا ەنگٸزٸلگەن ٶزگەرٸستەردٸ ٸسكە اسىرۋ ماقساتىندا ەزٸرلەنگەن.
«اتاپ ايتقاندا, كونستيتۋتسيياعا ەنگٸزٸلگەن تٷزەتۋلەرگە سەيكەس قازاقستان رەسپۋبليكاسى تۇڭعىش پرەزيدەنتٸنٸڭ مەرتەبەسٸ مەن ٶكٸلەتتٸگٸ رەسپۋبليكا كونستيتۋتسيياسىمەن جەنە كونستيتۋتسييالىق زاڭمەن ايقىندالادى دەگەن نورمانى كٶزدەيتٸن كونستيتۋتسييانىڭ 46-بابى 4-تارماعى الىنىپ تاستالدى. وسىعان وراي, قۇقىقتىق نەگٸزدٸڭ جوق ەكەندٸگٸن ەسكەرە وتىرىپ, بۇل زاڭ جوباسىمەن كونستيتۋتسييالىق زاڭنىڭ كٷشٸن جويۋ كٶزدەلەدٸ», - دەدٸ مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ تٶراعاسى ارمان قوجاحمەتوۆ.
قوس پالاتانىڭ دەپۋتاتتارى ەكٸ وقىلىم قورىتىندىسى بويىنشا اتالعان زاڭدى قابىلداۋ جٶنٸندە شەشٸم قابىلدادى.
11 قاڭتاردا مەجٸلٸستٸڭ جالپى وتىرىسىندا اتالعان زاڭ جوباسى بويىنشا بٸرلەسكەن كوميسسييانىڭ قۇرامىنا ەنەتٸن دەپۋتاتتار ٸرٸكتەلگەن بولاتىن. وسىلايشا, مەجٸلٸستەن بەكجانوۆ بەرٸك ايداربەكۇلى, ەرۋباەۆ سەرٸك سەرسەنۇلى, سمايلوۆ ەرلان ۆالەرييۇلى كوميسسييا قۇرامىنا كٸردٸ.
ال 12 قاڭتاردا سەنات دەپۋتاتتارى بٸرلەسكەن كوميسسييانىڭ مٷشەلەرٸن سايلادى. نەتيجەسٸندە اتالعان كوميسسييانىڭ قۇرامىنا سەناتورلار ۆلاديمير ۆولكوۆ, سۇلتانبەك مەكەجانوۆ جەنە دٷيسەنعازى مۋسين ەندٸ.
بىلتىر جىل اياعىندا مەجٸلٸس تٶراعاسى ەرلان قوشانوۆ اتالعان زاڭنىڭ كٷشٸن جويۋ مەسەلەسٸ پارلامەنتتە 2023 جىلدىڭ باسىندا قارالاتىنىن ايتقان ەدٸ.
«سول زاڭدا كٶرسەتٸلگەن ارتىقشىلىقتاردىڭ بارلىعى كٷشٸن جويادى. بٸرٸنشٸ پرەزيدەنتكە دە, بولاشاق پرەزيدەنتتەرگە دە ەكس-پرەزيدەنتكە قاتىستى نورمالار بٸردەي قولدانىلادى. ەگەر زاڭ كٷشٸن جويسا, وندا قاراستىرىلعان يممۋنيتەتتٸڭ زاڭدى كٷشٸ بولمايدى», - دەدٸ مەجٸلٸس سپيكەرٸ.
2022 جىلدىڭ باسىندا سەنات مەملەكەتتٸك باستامالاردى ەلباسىمەن كەلٸسۋ قاجەتتٸلٸگٸن جويۋدى ۇسىنعان.
بىلتىرعى 2 اقپاندا پارلامەنت ەلباسى تۋرالى زاڭعا تٷزەتۋدٸ قابىلدادى.
بيىل كونستيتۋتسييالىق سوت كونستيتۋتسييانىڭ 62-بابىنىڭ 4-تارماعىن رەسمي تٷسٸندٸرۋ, ناقتىلاپ ايتقاندا تۇڭعىش پرەزيدەنت تۋرالى زاڭنىڭ كٷشٸن جويۋ مەسەلەسٸ بويىنشا نورماتيۆتٸك قاۋلى شىعاردى. كونستيتۋتسييالىق سوت «ەلباسى تۋرالى زاڭنىڭ قازاقستاندا قولدانىستا قالۋىنا قۇقىقتىق نەگٸز جوق» دەپ تانىدى.
سونداي-اق, بۇعان دەيٸن نۇرسۇلتان نازارباەۆتىڭ «قۇرمەتتٸ سەناتور» مەرتەبەسٸ جويىلعانى بەلگٸلٸ بولعان ەدٸ.
