2021 جىلدىڭ اياعىندا ٶزبەكستاننىڭ سىرتقى قارىزى 41 ميلليارد 600 ميلليون دوللار بولدى. بۇل تۋرالى 9 ناۋرىزدا ٶزبەكستان قارجى مينيسترلٸگٸ حابارلادى.
مينيسترلٸك ەسەبٸنە قاراعاندا, 2021 جىلى ٶزبەكستاننىڭ سىرتقى قارىزى 12,7%-عا ارتىپ, جالپى ٸشكٸ ٶنٸمنٸڭ 60,1%-نا جەتكەن.
ەسەپتە 2021 جىلى جالپى ٸشكٸ ٶنٸم 734,6 ترلن سۋم نەمەسە 69,2 ملرد دوللار بولاتىنى ايتىلعان.
قارجى مينيسترلٸگٸنٸڭ مەلٸمەتٸنشە, بىلتىر ٶزبەكستاننىڭ سىرتقى ساۋدا اينالىمى 16 پايىزعا ارتىپ, 42,1 ملرد دوللار بولعان.
دٷنيەجٷزٸلٸك بانكتٸڭ بولجامىنا قاراعاندا, 2022 جىلى دامىعان ەلدەردٸڭ ەكونوميكاسى 3,8%-عا, ال دامۋشى ەلدەردٸڭ ەكونوميكاسى 4,6%-عا ٶسەدٸ. ورتالىق ازييا ەلدەرٸنٸڭ ەكونوميكاسى 4,3% ٶسەدٸ دەگەن بولجام ايتىلعان. اتاپ ايتقاندا, ٶزبەكستان ەكونوميكاسى بيىل 5,6 پايىزعا, 2023 جىلى 5,8 پايىزعا كٷشەيۋٸ مٷمكٸن.
