ٶزبەكستاندا جيزاق وبلىسى باحمال اۋدانىنىڭ 52 جاستاعى تۇرعىنى ۆ.ك. پرەزيدەنت شاۆكات ميرزيياەۆقا "تٸل تيگٸزدٸ" دەگەن كٷدٸككە ٸلٸندٸ. وبلىستىق پروكۋراتۋرانىڭ مەلٸمدەمەسٸندە ەر ادامنىڭ Youtube پەن Facebook-تا اككاۋنت اشىپ, ۆيدەوجازبالار جارييالاپ, تٸكەلەي ەفيرگە شىققانى جازىلعان, دەپ حابارلايدى ازاتتىق.
"ٶزٸنٸڭ جازبالارىندا ول قوعامعا پرەزيدەنت جەتەكشٸلٸگٸمەن جٷرگٸزٸلٸپ جاتقان رەفورمالاردى قاتە تٷسٸندٸرگەن, پرەزيدەنتكە تٸل تيگٸزٸپ, مەملەكەت باسشىسىنىڭ بەدەلٸن تٷسٸرەتٸن اقپارات تاراتقان, وسىلايشا قارالاعان" دەلٸنگەن پروكۋراتۋرا مەلٸمدەمەسٸندە.
مەملەكەتتٸك قاۋٸپسٸزدٸك قىزمەتٸنٸڭ جيزاق وبلىسى بويىنشا باسقارماسى باحمال اۋدانى تۇرعىنىنىڭ ٷستٸنەن قىلمىستىق كودەكستٸڭ 158-باپ 3-تارماعى بويىنشا ("ٶزبەكستان پرەزيدەنتٸنە جارييا تٷردە تٸل تيگٸزۋ نەمەسە ونى قارالاۋ") ٸس قوزعاعان.
ەگەر تۇرعىننىڭ كٸنەسٸ دەلەلدەنسە, ٷش جىلعا دەيٸن قوعامدىق جۇمىسقا كەسٸلۋٸ مٷمكٸن نەمەسە 2-5 جىل ارالىعىندا بوستاندىعى شەكتەلۋٸ نەمەسە باس بوستاندىعىنان ايىرىلۋى مٷمكٸن.
بيىل ناۋرىز ايىنىڭ سوڭىندا ٶزبەكستان قىلمىستىق كودەكسٸنە پرەزيدەنتكە ينتەرنەتتە تٸل تيگٸزگەندەردٸ نەمەسە قارالاعانداردى جازالايتىن تٷزەتۋلەر ەنگٸزٸلگەن. 30 ناۋرىزدا زاڭعا پرەزيدەنت شاۆكات ميرزيياەۆ قول قويدى. ونىڭ الدىندا قۇجاتتى پارلامەنتتٸڭ قوس پالاتاسى ماقۇلداعان.
