تاشكەنت "مەيٸرٸم" گۋمانيتارلىق وپەراتسيياسى اياسىندا 156 ٶزبەكستاندىق ازاماتتى تاياۋ شىعىستاعى قارۋلى قاقتىعىس ايماعىنان ەلگە قايتارعان. جەتكٸزٸلگەندەردٸڭ باسىم بٶلٸگٸ - ەيەلدەر مەن بالالار.
"ازاماتتار 30 مامىردا ارناۋلى رەيسپەن تاشكەنتكە جەتكٸزٸلدٸ. اداسىپ ەلدەن كەتكەن, اۋىر كٷندەردٸ باسىنان كەشكەن ازاماتتارعا ٷكٸمەت مەديتسينالىق, پسيحولوگييالىق, ماتەريالدىق جەنە مورالدىق كٶمەك كٶرسەتەدٸ" دەپ حابارلادى پرەزيدەنتتٸڭ باسپاسٶز قىزمەتٸ.
بيلٸكتٸڭ حابارلاۋىنشا, بەيبٸت ٶمٸرگە ٷيرەنٸپ, قوعامعا سٸڭٸسٸپ كەتۋٸ ٷشٸن ولارعا باسپانا مەن جۇمىس بەرٸلٸپ, ورالعاندار بٸلٸم بەرۋ مەن ەلەۋمەتتٸك باعدارلامالارعا قاتىسادى.
بۇعان دەيٸن تاياۋ شىعىستاعى قاقتىعىس ايماقتارىنان گۋمانيتارلىق وپەراتسييا اياسىندا ٶز ازاماتتارىن قازاقستان مەن تەجٸكستان دا قايتارعان.
بيىل 7-9 مامىر كٷندەرٸ سيرييادان قازاقستاننىڭ 231 ازاماتى ەلگە جەتكٸزٸلدٸ. "ولاردىڭ 156-سى - بالا, كٶبٸ مەكتەپ جاسىندا. تاعى 18-ٸ بالا - جەتٸم" دەپ حابارلادى بيلٸك. نۇر-سۇلتان بۇدان بۇرىن, 9 قاڭتاردا سيرييادان 47 قازاقستاندىقتىڭ ەلگە قايتارىلعانىن حابارلاعان. بيلٸكتٸڭ دەرەگٸنشە, ولاردىڭ اراسىندا "ەيەلدەر مەن 30 شاقتى بالا" بولعان.
2018 جىلى شٸلدە ايىندا قازاقستاننىڭ ۇلتتىق قاۋٸپسٸزدٸك كوميتەتٸ (ۇقك) ازاتتىققا سيرييا مەن يراكتا سوعىس باستالعالى تاياۋ شىعىسقا 800-گە تارتا قازاقستاندىق كەتكەنٸن حابارلاعان. كوميتەت سيرييا مەن يراكتاعى حالىقارالىق تەررورلىق ۇيىمداردا قازاقستاننان كەتكەن 120 ەر ادام, 250-دەن استام ەيەل جەنە 500 بالا بارىن ايتقان. نۇر-سۇلتان سيرييادا ەلٸ 300-دەن استام قازاقستاندىق قالعانىن مەلٸمدەگەن.
30 سەۋٸردە تەجٸكستان بيلٸگٸ يراكتان 84 تەجٸك بالانى قايتارعان. ولار - تاياۋ شىعىستاعى سوعىس ايماعىندا قازا تاپقان نەمەسە حابارسىز كەتكەن "يسلام مەملەكەتٸ" ەكسترەميستٸك توبىنىڭ قاتارىندا بولعان سودىرلاردىڭ بالالارى. ولاردىڭ كٶبٸنٸڭ (43) انالارى تەررورشىلارعا بولىسقان دەگەن ايىپپەن ۇزاق مەرزٸمگە سوتتالىپ, باعداد تٷرمەسٸندە جازاسىن ٶتەپ جاتىر.
رەسمي مەلٸمەت بويىنشا, 2014 جىلدان بەرٸ يراك پەن سيريياداعى سوعىس ايماعىنا 1900 تەجٸك ازاماتى كەتكەن. ولاردىڭ 300-گە جۋىعى قازا تاپتى دەپ سانالادى. قازا تاپقاندار مەن حابارسىز كەتكەندەردٸڭ ەيەلدەرٸ مەن بالالارىن سيرييا مەن يراك بيلٸگٸ بوسقىندارعا ارنالعان لاگەرلەرگە ورنالاستىرعان.
