ٶزبەكستان حالقىنىڭ سانى 1 شٸلدەگە دەيٸنگٸ ەسەپ بويىنشا 32 ميلليون 345 مىڭ ادامعا جەتتٸ. Gazeta.uz باسىلىمىنىڭ ٶزبەكستان مەملەكەتتٸك ستاتيستيكا كوميتەتٸنٸڭ اقپاراتتىق قىزمەتٸنە سٸلتەمە جاساپ حابارلاۋىنشا, حالىق سانى 2016 جىلدىڭ سوڭىنان بەرٸ 224 مىڭ ادامعا (0,7 پايىز) ارتقان. قالا حالقى 16 ميلليون 353 مىڭ (50,6 پايىز), اۋىل حالقى 15,9 ميلليون (49,4 پايىز) ادام بولعان.
2017 جىلدىڭ العاشقى التى ايىندا 311,9 مىڭ بالا دٷنيەگە كەلگەن. 2016 جىلدىڭ العاشقى التى ايىندا تۋعان بالا سانى بۇدان التى مىڭعا از.
قاڭتار-ماۋسىم ايلارىندا 78,8 مىڭ ادام قايتىس بولىپ, 2016 جىلدىڭ العاشقى التى ايىمەن سالىستىرعاندا 4900 ادامعا ارتقان.
قاڭتار-ماۋسىم ايلارىندا ٶزبەكستاندا 96,3 مىڭ نەكە, 15,6 مىڭ اجىراسۋ تٸركەلگەن. ەلدە مىڭ ادامعا شاققاندا التى نەكە, بٸر اجىراسۋدان كەلەدٸ. 2016 جىلدىڭ قاڭتار-ماۋسىم ايلارىندا مىڭ ادامعا 5,9 نەكە, 0,9 اجىراسۋ تٸركەلگەن ەدٸ.
العاشقى جارتى جىلدا ٶزبەكستانعا قونىستانعاندار سانى 82,5 مىڭ, ەلدەن كەتكەندەن سانى 91 مىڭ ادامدى قۇراعان.
