ٶزبەكستاننىڭ تانىمال اقىن-جازۋشىلارى پرەزيدەنت شاۆكات ميرزيياەۆتىڭ اتىنا اشىق حات جازىپ, «ٶزبەكستاننىڭ حالىقتىق قوزعالىسى» ليدەرٸ ەرٸ تانىمال اقىن 69 جاستاعى مۇحامماد ساليحتىڭ ەلگە ورالۋىنا كەپٸلدٸك بەرۋٸن سۇرايدى. اشىق حات Facebook ەلەۋمەتتٸك جەلٸسٸندە كەڭٸنەن تارالدى, دەپ جازادى centralasian.org.
ٶزبەكستان جازۋشىلار وداعىنىڭ بۇرىنعى بٸرٸنشٸ حاتشىسى, ٶزبەك پارلامەنتٸنٸڭ ەكس-دەپۋتاتى, ەلدە «بٸرلٸك» دەپ اتالعان ساياسي قوزعالىستىڭ جەنە «ەرٸك» دەپ اتالاتىن دەموكراتييالىق پارتييانىڭ نەگٸزٸن قالاعان مۇحامماد ساليح 1992 جىلدان بەرٸ شەتەلدە تۇرىپ كەلەدٸ.
«بٸز سٸزدٸڭ تاعى بٸر تاريحي شەشٸمٸڭٸز اقىن مۇحامماد ساليحقا قاتىستى بولعانىن قالايمىز. ول 25 جىلدان بەرٸ وتانىنان جىراقتا جٷر. بۇرىنعى رەجيم جٷرگٸزگەن بۇرىس ناسيحاتتىڭ سالدارىنان قوعامدا مۇحامماد ساليحقا دەگەن ٷرەي قالىپتاستى. بٸراق شىعارماشىل زييالى قاۋىم ونىڭ ۇلى اقىندىعىن ۇمىتقان جوق. مۇحامماد ساليح بٸرٸنشٸ كەزەكتە اقىن. سوسىن بارىپ ساياساتكەر. ول ەلدٸڭ تەۋەلسٸزدٸگٸ ٷشٸن ساياساتپەن ارالاسۋىنا تۋرا كەلدٸ», – دەلٸنگەن اشىق حاتتا.
2017 جىلدىڭ ناۋرىز ايىندا مۇحامماد ساليح بٸرٸنشٸ رەت پرەزيدەنت ميرزيياەۆتىڭ اتىنا اشىق حات جازعان. بٸراق وسىدان كەيٸن ۇلتتىق قاۋٸپسٸزدٸك قىزمەتٸ (ۇقق) «ەلدەگٸ كونستيتۋتسييالىق جٷيەنٸ كٷشتەپ بۇزباق بولدى» دەگەن ايىپپەن, ونىڭ ٷستٸنەن قىلمىستىق ٸس قوزعادى. وسى ٸسكە بايلانىستى جۋرناليست بوبومۋرود ابدۋللاەۆ تا تۇتقىندالعان. مۇحامماد ساليح بۇل ايىپتاۋلاردى ۇقق-نىڭ بۇرىنعى باسشىسى رۋستام ينوياتوۆتىڭ ەلگە كٸرگٸزبەس ٷشٸن, ەدەيٸ جاساپ وتىرعانى دەپ اتاعان.
1993 جىلدىڭ سەۋٸرٸندە ساليح «مەملەكەتكە ساتقىندىق جاسادى» دەپ ۇستالعان. بٸراق حالىقارالىق ۇيىمداردىڭ قىسىمىمەن ول بوستاندىققا شىقتى. وسىدان كەيٸن ول تٷركيياعا قاشىپ كەتكەن. سودان بەرٸ ستامبۇلدا تۇرىپ كەلەدٸ. 1999 جىلى ٶزبەكستاننىڭ جوعارعى سوتى تاشكەنتتە جارىلىس ۇيىمداستىردى دەگەن ايىپپەن, ۇزاق مەرزٸمگە سىرتتاي تٷرمە جازاسىنا كەسكەن.
