ٶزبەكستاندا Enter Engineering كومپانيياسى جاپپاي نارازىلىقتان كەيٸن جۇمىسشىلارعا كەشٸكتٸرگەن جالاقىلارىن تٶلەي باستادى.
ٶزٸن كومپانيياداعى نارازىلىقتىڭ سەبەبٸن زەرتتەۋ توبىنىڭ مٷشەسٸ رەتٸندە تانىستىرعان ٶكٸل 22 قازاندا ازات ەۋروپا/ازاتتىق راديوسىنا جۇمىسشىلار جالاقىسى تٶلەنگەنٸن ايتتى. كەيبٸر جۇمىسشىلار ازاتتىققا سوڭعى ٷش ايدىڭ جالاقىسىن العانىن راستادى.
21 قازاندا ٶزبەكستاننىڭ وڭتٷستٸگٸندەگٸ قاشقادارييا وبلىسىنىڭ گۋزار اۋدانىندا Uzbekistan GTL زاۋىتىن سالىپ جاتقان مىڭداعان جۇمىسشى كومپانييانىڭ ەكٸمشٸلٸك عيماراتىن باسىپ الىپ, بٷلٸك شىعارعان ەدٸ.
ازاتتىقتىڭ ٶزبەك قىزمەتٸنٸڭ قولىنا تٷسكەن ۆيدەودا 5 مىڭعا جۋىق جۇمىسشىنىڭ زاۋىت عيماراتىنا كٷشپەن باسىپ كٸرگەنٸ بايقالعان. ۆيدەوتاسپادان جيھازدار مەن كومپيۋتەرلەردٸڭ قيراپ جاتقانى كٶرٸنەدٸ.
كەيبٸر جۇمىسشىلاردىڭ سٶزٸنە قاراعاندا تەرتٸپسٸزدٸكتٸ توقتاتۋ ٷشٸن گۋزار اۋدانىنا ۇلتتىق ۇلان, ارنايى جاساق پەن پوليتسييا ەكەلٸنگەن.
زارداپ شەككەندەر جايلى اقپارات جارييالانعان جوق.
اتى-جٶنٸن اتاماعان جۇمىسشىلاردىڭ بٸرٸ ازاتتىققا 20 قازاندا جۇمىس بەرۋشٸ Enter Engineering كومپانيياسىنىڭ جۇمىسشىلارعا كەشكٸ اس بەرمەگەنٸن ايتتى. بۇل ونسىز دا جالاقىسىن الماي جٷرگەن جۇمىسشىلاردى اشۋلاندىرعان.
باس كەڭسەسٸ تاشكەنتتە ورنالاسقان كومپانييانىڭ ٶكٸلٸنٸڭ ايتۋىنشا, اسحانانىڭ ەلەكتروندى قۇلىپتاۋ جٷيەسٸ ٸستەمەي قالعاندىقتان, جۇمىسشىلار ەسٸكتٸ اشا الماي, سودان بٷلٸك شىققان.
جۇمىسشىلاردىڭ بٸرٸ 22 قازاندا ازاتتىققا جالاقى مەن تاماق مەسەلەسٸنەن بٶلەك بٷلٸكتٸڭ شىعۋىنا كارانتين شارالارى دا سەبەپ بولعانىن ايتتى. سول شەكتەۋدٸڭ كەسٸرٸنەن جۇمىسشىلاردىڭ كٷندەلٸكتٸ جۇمىس كەستەسٸ ٶزگەرٸپ, كومپانييا باسشىلىعى جۇمىسشىلاردى وتباسىنا جٸبەرمەي, قۇرىلىس الاڭىندا قونۋعا مەجبٷرلەگەن.
ٶزبەكستان باس پروكۋراتۋراسىنىڭ رەسمي ٶكٸلٸ حايوت شامسۋتدينوۆ اقپارات قۇرالدارىنا جاعداي زەرتتەلٸپ جاتىر دەپ مەلٸمدەدٸ.
