2020 جىلى مال شارۋاشىلىعى ٶنٸمٸ 3 پايىزعا ارتىپ, 2,6 ترلن تەڭگەگە جەتتٸ. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸ ساپارحان وماروۆ ايتتى, دەپ حابارلايدى قازاقپارات.
«2020 جىلعى قاڭتار-جەلتوقساندا اگروٶنەركەسٸپتٸك كەشەن سالاسىندا ٶسۋدٸڭ وڭ ديناميكاسى ساقتالدى. اتالعان كەزەڭدە جالپى اۋىل شارۋاشىلىعى ٶنٸمٸنٸڭ كٶلەمٸ 5,6 پايىزعا ۇلعايىپ, 6,3 ترلن تەڭگەنٸ قۇرادى. بۇل ٶسٸم نەگٸزٸنەن ٶسٸمدٸك شارۋاشىلىعىنداعى ٶندٸرٸس كٶلەمٸنٸڭ 7,8 پايىزعا ۇلعايۋى ەسەبٸنەن قامتاماسىز ەتٸلدٸ. 5 وبلىستا, اتاپ ايتقاندا قوستانايدا – 120,8, اقمولادا – 112,7, پاۆلوداردا – 107,5, اقتٶبەدە – 106,7 جەنە قاراعاندىدا 105,7 پايىز رەسپۋبليكالىق دەڭگەيدەن جوعارى قارقىن بايقالدى», -دەدٸ ول.
مينيستردٸڭ ايتۋىنشا, مال شارۋاشىلىعى ٶنٸمٸنٸڭ جالپى كٶلەمٸ كٶرسەتٸلگەن كەزەڭدە 3 پايىزعا ۇلعايىپ, 2,6 ترلن تەڭگەنٸ قۇرادى. بۇل رەتتە تٸرٸدەي سالماقتاعى ەت ٶندٸرۋ كٶلەمٸ 4,1, سٷت 3,2 پايىزعا ۇلعايدى. ەسەپتٸ كەزەڭدە تاماق ٶنٸمدەرٸن ٶندٸرۋ كٶلەمٸ 4 پايىزعا ٶسٸپ, 1,9 ترلن تەڭگەنٸ قۇرادى. اتاپ ايتقاندا, سارى مايدى ٶندٸرۋ كٶلەمٸنٸڭ 26,5, ٶڭدەلگەن كٷرٸشتٸڭ 20,1, شۇجىق ٶنٸمدەرٸنٸڭ 8,2, ماكاروننىڭ 6,3, ٶندەلگەن سٷتتٸڭ 4,9, قىشقىل سٷت ٶنٸمدەرٸنٸڭ 4,8, ٸرٸمشٸك جەنە سٷزبەنٸڭ 4,5, ۇننىڭ 1,6 پايىزعا ارتقانى بايقالدى.
«2020 جىلدىڭ 12 ايىندا اۋىل شارۋاشىلىعىنىڭ نەگٸزگٸ كاپيتالىنا سالىنعان ينۆەستيتسييالار 15 پايىزعا ۇلعايىپ, 573,2 ملرد تەڭگەنٸ, تاماق ٶنٸمدەرٸ ٶندٸرٸسٸنە سالىنعان ينۆەستيتسييالار 13,5 پايىزعا ٶسٸپ, 104 ملرد تەڭگەنٸ قۇرادى», - دەدٸ ساپارحان وماروۆ.
