2020 jyly mal sharýashylyǵy ónimi 3 paiyzǵa artyp, 2,6 trln teńgege jetti. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy QazAqparat.
«2020 jylǵy qańtar-jeltoqsanda agroónerkásiptik keshen salasynda ósýdiń oń dinamikasy saqtaldy. Atalǵan kezeńde jalpy aýyl sharýashylyǵy óniminiń kólemi 5,6 paiyzǵa ulǵaiyp, 6,3 trln teńgeni qurady. Bul ósim negizinen ósimdik sharýashylyǵyndaǵy óndiris kóleminiń 7,8 paiyzǵa ulǵaiýy esebinen qamtamasyz etildi. 5 oblysta, atap aitqanda Qostanaida – 120,8, Aqmolada – 112,7, Pavlodarda – 107,5, Aqtóbede – 106,7 jáne Qaraǵandyda 105,7 paiyz respýblikalyq deńgeiden joǵary qarqyn baiqaldy», -dedi ol.
Ministrdiń aitýynsha, mal sharýashylyǵy óniminiń jalpy kólemi kórsetilgen kezeńde 3 paiyzǵa ulǵaiyp, 2,6 trln teńgeni qurady. Bul rette tiridei salmaqtaǵy et óndirý kólemi 4,1, sút 3,2 paiyzǵa ulǵaidy. Esepti kezeńde tamaq ónimderin óndirý kólemi 4 paiyzǵa ósip, 1,9 trln teńgeni qurady. Atap aitqanda, sary maidy óndirý kóleminiń 26,5, óńdelgen kúrishtiń 20,1, shujyq ónimderiniń 8,2, makaronnyń 6,3, óndelgen súttiń 4,9, qyshqyl sút ónimderiniń 4,8, irimshik jáne súzbeniń 4,5, unnyń 1,6 paiyzǵa artqany baiqaldy.
«2020 jyldyń 12 aiynda aýyl sharýashylyǵynyń negizgi kapitalyna salynǵan investitsiialar 15 paiyzǵa ulǵaiyp, 573,2 mlrd teńgeni, tamaq ónimderi óndirisine salynǵan investitsiialar 13,5 paiyzǵa ósip, 104 mlrd teńgeni qurady», - dedi Saparhan Omarov.
