ازاماتتىق نەكەدەگٸ ەيەلٸن اسا قاتٸگەزدٸكپەن ٶلتٸرگەنٸ ٷشٸن 24 جىلعا سوتتالعان ەكس-مينيستر قۋاندىق بيشٸمباەۆتىڭ بۇرىنعى ەيەلٸ نازىم قاحارمان بالالارىنىڭ ەكەسٸن اتا-انا قۇقىعىنان ايىرۋ ٷشٸن باس پروكۋراتۋرا مەن جوعارعى سوتقا جٷگٸندٸ, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
نازىم قاحارمان استانادا ٶتكەن باسپاسٶز كونفەرەنتسيياسىندا بيشٸمباەۆتى اتا-انا قۇقىعىنان ايىرىپ, بالالارىنىڭ تەگٸن اۋىستىرۋ ٷشٸن سوتقا ارىز جازعانىن ايتتى. الايدا سوت ونىڭ بۇل ارىزىنان باس تارقان. ايتۋىنشا, ەكس-مينيستر سالتانات نٷكەنوۆامەن ازاماتتىق نەكەدە تۇرعاندىقتان, بيشٸمباەۆ وتباسى مٷشەسٸن نەمەسە جاقىنىن ٶلتٸرگەن جوق دەپ سانالادى ەكەن. الايدا نازىم بالالارىنىڭ سالتاناتتى وتباسى مٷشەسٸ جەنە ەكەسٸنٸڭ ەيەلٸ رەتٸندا قابىلداعانىن ايتتى.
"ٶكٸنٸشكە وراي, شىندىقتى ايتىپ, كٶمەك سۇراۋعا مەجبٷرمٸن. مەنٸڭشە, سوتتىڭ ارىزىمدى قابىلداماۋى ەدٸلدٸككە جاتپايدى. سوتتىڭ نازارىن اۋدارۋ ٷشٸن قوعامعا, باس پروكۋراتۋراعا جەنە جوعارعى سوتقا جٷگٸنەمٸن. مٸندەتتٸ تٷردە اپپەلياتسييالىق سوتقا بەرەمٸن. ٶيتكەنٸ مەن ٷشٸن بالالارىمنىڭ بولاشاعى, قىزىعۋشىلىقتارى مەن تۇلعا رەتٸندە قالىپتاسۋى ماڭىزدى. بالالاردى سالتانات نٷكەنوۆانى وتباسى مٷشەسٸ رەتٸندە قابىلداعانىن دەلەلدەدٸك. الايدا سوت مٷلدەم باسقا شەشٸم شىعاردى", – دەدٸ نازىم قاحارمان.
ايتۋىنشا, بالالاردان جاۋاپ الىنعان, دەسە دە ونى ەشكٸم ەسكەرمەدٸ.
"سۋديا بالالاردىڭ جاسقانشاق ەمەس ەكەنٸن جەنە ولاردىڭ مٸنەز-قۇلقىنان پسيحولوگييالىق جاراقاتتى بايقامايتىنىن ايتتى. قۋاندىق بالالارىنىڭ ٶزٸمەن, اتا-اپاسىمەن سٶيلەسكەنٸن قالايدى. الايدا بالالار مۇنى قالامايدى. بالاردى مەجبٷرلەي المايسىڭ", – دەيدٸ نازىم قاحارمان.
ونىڭ ادۆوكاتى مادينا ۋاتبەكوۆانىڭ ايتۋىنشا, بيشٸمباەۆ بٸرٸنشٸدەن, ادام ٶلتٸرگەندٸكتەن, ەكٸنشٸدەن, بالالارعا پسيحولوگييالىق زەبٸر كٶرسەتكەندٸكتەن ونى اتا-انا قۇقىعىنان ايىرۋ تۋرالى ارىز جازعان. الايدا سوت تا, پروكۋراتۋرا دا سالتانات نٷكەنوۆا مەن بيشٸمباەۆ زاڭدى نەكەدە بولماعاندىقتان ول جاقىنىن نەمەسە وتباسى مٷشەسٸن ٶلتٸرمەدٸ دەگەن تۇجىرىمعا كەلدٸ.
"بۇل مٷلدە دۇرىس ەمەس ەرٸ زاڭسىز. ەگەر اتا-انا قىلمىس جاساسا, مەملەكەت ونى اتا-انا قۇقىعىنان ايىرادى. وسىلايشا بالانى قورعايدى. بٸراق سوت نەگە ەكپٸندٸ "وتباسى مٷشەسٸ" دەگەن سٶزگە قويىپ وتىر? نە سەبەپتٸ سوت كەز كەلگەن قىلمىس جاساعان ادامدى اتا-انا قۇقىعىنان ايىرمايدى", – دەيدٸ زاڭ ٶكٸلٸ.
نازىم قاحارمان بالالارىنىڭ تەگٸن اۋىستىرماق بولعان. بٸراق سوت ونىڭ بۇل ارىزىن دا قابىلداماعان.
