«وتباسى بانكٸ» قارجى نارىعىن رەتتەۋ جەنە دامىتۋ اگەنتتٸگٸنٸڭ قاداعالاۋىنان شىعارىلادى, دەپ حابارلايدى قازاقپارات.
قر پارلامەنتٸ مەجٸلٸسٸندە «قازاقستان رەسپۋبليكاسىنىڭ كەيبٸر زاڭنامالىق ەكتٸلەرٸنە تۇرعىن ٷي ساياساتىن رەفورمالاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تانىستىرعان قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ ەركەبۇلان داۋىلباەۆ وسىنداي مەلٸمەت ايتتى.
«زاڭ جوباسى شەڭبەرٸندە «وتباسى بانكٸ» ۇلتتىق دامۋ ينستيتۋتى بولىپ قايتا قۇرىلۋدا, ونىڭ نەگٸزگٸ مٸندەتٸ – رەسپۋبليكا بويىنشا ازاماتتاردى تۇرعىن ٷيمەن قامتاماسىز ەتۋ بويىنشا تۇرعىن ٷي قاتىناستارىن دامىتۋ.
وسىعان بايلانىستى وتباسى بانكٸن ەكٸنشٸ دەڭگەيلٸ بانكتەر جٷيەسٸنەن شىعارۋ جەنە وعان تۇرعىن ٷيگە ەسەپكە الۋدى, قويۋدى جەنە ونى بٶلۋدٸ ورتالىقتاندىرىپ جٷزەگە اسىراتىن ۇلتتىق دامۋ ينستيتۋتى مەرتەبەسٸن بەرۋ كٶزدەلگەن.
وتباسى بانكٸنٸڭ قۇقىقتىق مەرتەبەسٸ قازاقستان رەسپۋبليكاسىنىڭ زاڭنامالىق اكتٸلەرٸمەن ايقىندالاتىن بولادى.
وتباسى بانكٸ قارجى نارىعىن رەتتەۋ جەنە دامىتۋ اگەنتتٸگٸنٸڭ قاداعالاۋىنداعى سۋبەكتٸلەر قاتارىنان شىعارىلاتىن بولادى», - دەدٸ ۆيتسە-مينيستر.
ونىڭ ايتۋىنا قاراعاندا, قارجى نارىعىن رەتتەۋ جەنە دامىتۋ اگەنتتٸگٸ مەن ۇلتتىق بانك قارجىلىق قىزمەتتەردٸ تۇتىنۋشىلاردىڭ قۇقىقتارىن قورعاۋ مەسەلەلەرٸ بويىنشا باقىلاۋ مەن قاداعالاۋدى ساقتايدى.
«سونىمەن قاتار, وتباسى بانكٸ دەپوزيتتەردٸ قابىلداۋ, زاڭدى جەنە جەكە تۇلعالاردىڭ بانكتٸك شوتتارىن اشۋ جەنە جٷرگٸزۋ, كاسسالىق وپەراتسييالار, بانكتٸك قارىز وپەراتسييالارى, سالىمشىلارعا تۇرعىن ٷي, ارالىق جەنە الدىن الا تۇرعىن ٷي قارىزدارىن بەرۋ سيياقتى قازاقستان رەسپۋبليكاسىنىڭ زاڭناماسىندا ايقىندالعان شەڭبەردە بانكتٸك جەنە باسقا دا وپەراتسييالاردى اگەنتتٸكتٸڭ ليتسەنزيياسىنسىز جٷزەگە اسىراتىن بولادى.
بۇل رەتتە ۋەكٸلەتتٸ ورگاننىڭ ەكٸنشٸ دەڭگەيدەگٸ بانكتٸ بانك وپەراتسييالارىن جٷرگٸزۋگە ارنالعان ليتسەنزييادان ايىرۋ تۋرالى شەشٸمٸ كەپٸلدٸك بەرٸلگەن ٶتەمدٸ تٶلەۋ ٷشٸن نەگٸز بولىپ تابىلاتىندىعىن ەسكەرە وتىرىپ, وتباسى بانكٸنٸڭ دەپوزيتتەرگە مٸندەتتٸ كەپٸلدٸك بەرۋ جٷيەسٸنە قاتىسۋى مٷمكٸن ەمەس.
وسىعان بايلانىستى, «وتباسى بانكٸندە» ورنالاستىرىلعان تۇرعىن ٷي قۇرىلىس جيناق اقشاسىنا سالىمداردىڭ ساقتالۋىنا قر ٷكٸمەتٸ ايقىندايتىن مٶلشەردە جەنە تەرتٸپتە مەملەكەتپەن كەپٸلدٸك بەرۋ ۇسىنىلادى», - دەدٸ ەركەبۇلان داۋىلباەۆ.
ۆەدومستۆو ٶكٸلٸ ۇسىنىلىپ وتىرعان جاڭا تەتٸك بويىنشا جەرگٸلٸكتٸ اتقارۋشى ورگانداردا كەزەكتە تۇرعانداردىڭ اعىمداعى بازاسى «وتباسى بانكٸنە» بەرٸلٸپ, جەرگٸلٸكتٸ دەڭگەيدە ەسەپكە قويۋ توقتاتىلاتىنىن ايتتى.
