فوتو: مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ
2025 جىلدىڭ 27–28 ماۋسىمىندا پومپەيدەگٸ امفيتەاتردا اتاقتى تەنور اندرەا بوچەلليدٸڭ كونتسەرتٸ ٶتتٸ, دەپ حابارلايدى مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ.
كونتسەرت «Andrea Bocelli Live in Concert» اتتى گاسترولدٸك تۋر اياسىندا ۇيىمداستىرىلدى.
اندرەا بوچەلليدٸڭ كونتسەرتتەرٸندە دەستٷرلٸ تٷردە ەلەمگە ەيگٸلٸ ەرتٸستەر ٶنەر كٶرسەتەدٸ.
— يتالييالىق ماەسترو وسى جولى قازاقستاننىڭ وپەرا ەنشٸسٸ ەيگەرٸم التىنبەكپەن بٸر ساحناعا شىعىپ, دۋەت ورىندادى. بۇل كەش كٶرەرمەنگە ەرەكشە ەسەر سىيلادى. ٶنەرسٷيەر قاۋىم ٷشٸن ۇمىتىلماس وقيعا بولدى, — دەلٸنگەن مينيسترلٸك حابارلاماسىندا.
ايتا كەتەيٸك, 25 ماۋسىمدا ەيگەرٸم التىنبەك استانادا ەلەمگە تانىمال تەنور حوسە كاررەراسپەن دە بٸر ساحنادا ٶنەر كٶرسەتكەن ەدٸ. ٶنەرپازداردىڭ كەسٸبي شەبەرلٸگٸ مەن زور داۋىسى سول كەشتە دە كٶرەرمەندٸ بەي-جاي قالدىرمادى.
بۇعان دەيٸن قازاقستاندىق وپەرا ەنشٸسٸ ەيگەرٸم التىنبەك ەلەمدەگٸ ەڭ بەدەلدٸ وپەرا ٶنەرٸ وقۋ ورىندارىنىڭ بٸرٸ — «لا سكالا» تەاترى اكادەميياسىندا تاعىلىمدامادان ٶتەتٸنٸ ايتىلدى.
سونىمەن قاتار ەيگەرٸم التىنبەك Jibek Joly ارناسىنىڭ «بٷگٸن LIVE» ستۋديياسىنا قوناق بولدى.
ول ناقتى بٸر وپەرا ەنشٸسٸن «كۋميرٸم» دەپ ايتا المايتىنىن اتاپ ٶتتٸ.
