Foto: Mádeniet jáne aqparat ministrliginiń baspasóz qyzmeti
2025 jyldyń 27–28 maýsymynda Pompeidegi amfiteatrda ataqty tenor Andrea Bochellidiń kontserti ótti, dep habarlaidy Mádeniet jáne aqparat ministrliginiń baspasóz qyzmeti.
Kontsert «Andrea Bocelli Live in Concert» atty gastroldik týr aiasynda uiymdastyryldy.
Andrea Bochellidiń kontsertterinde dástúrli túrde álemge áigili ártister óner kórsetedi.
— Italiialyq maestro osy joly Qazaqstannyń opera ánshisi Áigerim Altynbekpen bir sahnaǵa shyǵyp, dýet oryndady. Bul kesh kórermenge erekshe áser syilady. Ónersúier qaýym úshin umytylmas oqiǵa boldy, — delingen ministrlik habarlamasynda.
Aita keteiik, 25 maýsymda Áigerim Altynbek Astanada álemge tanymal tenor Hose Karreraspen de bir sahnada óner kórsetken edi. Ónerpazdardyń kásibi sheberligi men zor daýysy sol keshte de kórermendi bei-jai qaldyrmady.
Buǵan deiin qazaqstandyq opera ánshisi Áigerim Altynbek álemdegi eń bedeldi opera óneri oqý oryndarynyń biri — «La Skala» teatry akademiiasynda taǵylymdamadan ótetini aityldy.
Sonymen qatar Áigerim Altynbek Jibek Joly arnasynyń «Búgin LIVE» stýdiiasyna qonaq boldy.
Ol naqty bir opera ánshisin «kýmirim» dep aita almaitynyn atap ótti.
