سۋرەت: 365info.kz
عىلىم جەنە جوعارى بٸلٸم مينيسترٸ ساياسات نۇربەك ٷكٸمەت وتىرىسىنىڭ قورىتىندىسى بويىنشا ٶتكەن بريفينگتە قازاقستاندا ەزٸرلەنگەن ونكولوگييانى ەمدەۋگە ارنالعان پرەپاراتتىڭ ادامدارعا جٷرگٸزٸلگەن كلينيكالىق سىناقتارىنىڭ بٸرٸنشٸ كەزەڭٸنەن سەتتٸ ٶتكەنٸن حابارلادى. ەندٸ وتاندىق قاتەرلٸ ٸسٸككە قارسى دەرٸنٸڭ كلينيكالىق سىناقتارىنىڭ ەكٸنشٸ كەزەڭٸ باستالدى, دەپ حابارلايدى "ۇلت اقپارات".
زەرتتەۋگە ونكولوگييامەن اۋىراتىن 15 ناۋقاس قاتىستى. مينيستردٸڭ ايتۋىنشا, پرەپارات بٸرٸنشٸ سىناقتان جوعارى تيٸمدٸلٸك كٶرسەتٸپ, سەتتٸ ٶتتٸ. ساياسات نۇربەك كەلەر جىلى دەرٸنٸ تٸركەۋگە شىعارۋدى جوسپارلاپ وتىرعانىن جەتكٸزدٸ.
"1 شٸلدەدەن باستاپ تەستٸلەۋدٸڭ ەكٸنشٸ كەزەڭٸ باستالدى. كلينيكالىق سىناققا شامامەن 3 مىڭ ادام قاتىسادى. بارلىعى 5 مىڭنان استام ونكولوگييالىق ناۋقاس سىناققا قاتىسۋعا نيەت بٸلدٸرٸپ, تٸركەلدٸ. جوعارى عىلىمي-تەحنيكالىق كوميسسييانىڭ شەشٸمٸمەن زەرتتەۋ توبىنا ەكٸنشٸ كەزەڭدٸ جٷرگٸزۋگە شامامەن 2 ملرد تەڭگە تامىز ايىندا اۋدارىلادى. جىل سوڭىنا دەيٸن بٸز بارلىق دەرەكتٸ ٶڭدەيمٸز", – دەدٸ مينيستر.
ەكٸنشٸ كەزەڭ ەرتٷرلٸ قاتەرلٸ ٸسٸك تٷرلەرٸ بار ادامدارعا دەرٸنٸ تەكسەرۋدٸ قامتيدى. سىناقتار استانا, الماتى جەنە پاۆلودار قالالارىندا ٶتكٸزٸلەدٸ.
بٸرٸنشٸ كەزەڭنٸڭ نەتيجەسٸندە پرەپارات ونكولوگييانىڭ ەڭ اگرەسسيۆتٸ تٷرلەرٸنٸڭ بٸرٸ — توق ٸشەك قاتەرلٸ ٸسٸگٸنٸڭ IV ساتىسىنداعى ناۋقاستار اراسىندا تيٸمدٸلٸگٸن كٶرسەتتٸ. ٸسٸكتٸڭ كٶلەمٸ ورتا ەسەپپەن 30% ازايدى.
