كوللاج: Tengrinews.kz
بٷگٸن ورتالىق سايلاۋ كوميسسيياسى پرەزيدەنتتٸككە ۇسىنىلعان ٷش بٸردەي كانديداتتى تٸركەۋدەن باس تارتتى, دەپ حابارلايدى "ۇلت اقپارات".
كوميسسييانىڭ قاۋلىسىنا سەيكەس, "اسار" بٸرلەستٸگٸنەن حايروللا عابجاليلوۆ, "تەجٸريبەلٸك پسيحولوگييا" رەسپۋبليكالىق قوعامدىق بٸرلەستٸگٸنەن فاتيما بيزاكوۆا جەنە قازاقستان قۇرىلىسشىلارى وداعىنان ۇسىنىلعان تالعات ەرعاليەۆتٸڭ كانديداتۋراسى "قازاقستان رەسپۋبليكاسىنداعى سايلاۋ تۋرالى" كونستيتۋتسييالىق زاڭدا بەلگٸلەنگەن تالاپتارعا ساي كەلمەيدٸ.
ايتا كەتەيٸك, عابجاليلوۆتٸڭ كاديداتۋراسىن «ورالمانداردىڭ «اسار» بٸرلەستٸگٸ» رەسپۋبليكالىق قوعامدىق بٸرلەستٸگٸ 11 قازاندا ۇسىنعان بولاتىن.
وسك مٷشەسٸ اسىلبەك سماعۇلوۆتىڭ بايانداۋىنشا, حايرۋللا عابجاليلوۆ قر پرەزيدەنتتٸگٸنە كانديدات رەتٸندە تٸركەلۋ ٷشٸن تيٸستٸ بارلىق قۇجاتتاردى تاپسىرعان. كەيٸن ٷمٸتكەر تۋرالى دەرەكتەردٸ تەكسەرۋ ٷشٸن ٸٸم, مەملەكەتتٸك قىزمەت ٸستەرٸ جٶنٸندەگٸ اگەنتتٸك, ەدٸلەت مينيسترلٸگٸ جەنە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنەن اقپارات سۇراتىلعان. نەتيجەسٸندە كانديداتتىڭ مەملەكەتتٸك قىزمەت ٶتٸلٸنٸڭ بولماۋىنا بايلانىستى «قر سايلاۋ تۋرالى» كونستيتۋتسييالىق زاڭىنىڭ 54-بابى, سونداي-اق 59-بابى 7-تارماعىنىڭ 3-تارماقشاسىنا سەيكەس قويىلاتىن تالاپتارعا سەيكەس كەلمەيتٸنٸ انىقتالعان.
وسىلايشا, ٷمٸتكەردٸ تٸكەۋدەن باس تارتۋ تۋرالى شەشٸم كٶتەرٸلدٸ. ونى ورتالىق سايلاۋ كوميسسيياسىنىڭ مٷشەلەرٸ بٸر اۋىزدان ماقۇلدادى.
قر ورتالىق سايلاۋ كوميسسيياسىنىڭ مٷشەسٸ اسىلبەك سماعۇلوۆتىڭ ايتۋىنشا, قر ٸٸم دەرەكتەرٸنە سەيكەس حايرۋللا عابجاليلوۆ قر ازاماتى ەمەس جەنە قازاقستاندا سوڭعى 24 جىل تۇرماعان.
ال, تالعات ەرعاليەۆتٸڭ كانديداتۋراسىن «قازاقستان قۇرىلىسشىلار وداعى» رەسپۋبليكالىق زاڭدى تۇلعالار بٸرلەستٸگٸ 10 قازاندا ۇسىنعان ەدٸ.
ورتالىق سايلاۋ كوميسسيياسىنىڭ حاتشىسى مۇحتار ەرماننىڭ ايتۋىنشا, ٷمٸتكەر قازاقستان قۇرىلىسشىلار وداعى جوعارى ورگانى وتىرىسىنىڭ پرەزيدەنتتٸككە ۇسىنۋ تۋرالى حاتتاماسىنان ٷزٸندٸ, ٶمٸربايان دەرەكتەرٸ, ورتالىق سايلاۋ كوميسسيياسىنىڭ شوتىنا سايلاۋ جارناسىنىڭ ەنگٸزٸلگەنٸن كۋەلاندىراتىن قۇجات, جەكە باسىن كۋەلاندىراتىن قۇجاتتىڭ كٶشٸرمەسٸ جەنە جوعارى بٸلٸمٸ تۋرالى ديپلومىنىڭ كٶشٸرمەسٸن تاپسىرعان.
قابىلدانعان قۇجاتتاردى ارنايى ورگاندار ارقىلى تەكسەرۋ بارىسىندا تالعات فايزۋلليۇلى ەرعاليەۆتٸڭ مەملەكەتتٸك قىزمەتتەگٸ جۇمىس ٶتٸلٸ جەتكٸلٸكسٸز ەكەنٸ انىقتالعان. ونىڭ مەملەكەتتٸك ورگانداردا جۇمىس تەجٸريبەسٸ 3 جىل 4 اي. سونىمەن قاتار ونىڭ كانديداتۋراسىن زاڭدى ۇيىم ۇسىنعان. تالاپقا سەيكەس, قر پرەزيدەنتتٸگٸنە ٷمٸتكەر ازامات سايلاۋعا زاڭدى ۇيىم اتىنان تٷسپەۋٸ تيٸس. وسىعان ساي, تالعات ەرعاليەۆ قر «سايلاۋ تۋرالى» كونستيتۋتسييالىق زاڭنىڭ 55-بابى 1-تارماعىنىڭ ەرەجەلەرٸنە سەيكەس كەلمەيدٸ دەپ تانىلدى. تيٸسٸنشە, وسك ٷمٸتكەردٸ تٸكەۋدەن باس تارتۋ تۋرالى شەشٸم قابىلدادى.
سونداي-اق, ورتالىق سايلاۋ كوميسسيياسى وتىرىسىندا «تەجٸريبەلٸك پسيحولوگييا» قوعامدىق بٸرلەستٸگٸ ۇسىنعان كانديدات فاتيما بيزاقوۆانىڭ تالاپ ەتٸلگەن بارلىق قۇجاتتاردى تاپسىرعانى اتالىپ ٶتتٸ. كەيٸن دەرەكتەردٸ راستاۋ ماقساتىندا وسك مەملەكەتتٸك قىزمەت ٸستەرٸ جٶنٸندەگٸ اگەنتتٸكتەن, ەدٸلەت مينيسترلٸگٸنەن جەنە قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنەن, ٸشكٸ ٸستەر مينيسترلٸگٸنەن اقپارات سۇراتقان.
نەتيجەسٸندە فاتيما بيزاقوۆانىڭ مەملەكەتتٸك قىزمەتتەگٸ جۇمىس ٶتٸلٸ جوق ەكەنٸ انىقتالعان. وسىعان بايلانىستى ورتالىق سايلاۋ كوميسسيياسى ونىڭ كانديداتۋراسىن قر «سايلاۋ تۋرالى» كونستيتۋتسييالىق زاڭنىڭ 54-بابىندا كٶزدەلگەن ەرەجەلەرگە سەيكەس ەمەس دەپ تانىدى. سەيكەسٸنشە, قۇزىرلى ورگان فاتيما بيزاقوۆانى قر پرەزيدەنتتٸگٸنە كانديدات رەتٸندە تٸكەۋدەن باس تارتۋ تۋرالى شەشٸم قابىلداعان.
ايتا كەتەيٸك, كونستيتۋتسييا جەنە "سايلاۋ تۋرالى" كونستيتۋتسييالىق زاڭ بويىنشا پرەزيدەنتتٸككە ٷمٸتكەر بٸرنەشە تالاپقا ساي بولۋى قاجەت. ولار:
- تۋمىسىنان قازاقستان ازاماتتىعى بولۋى;
- قازاقستان اۋماعىندا سوڭعى 15 جىل بويى تۇرۋى;
- جوعارى بٸلٸمٸنٸڭ بولۋى;
- جاسى 40-قا تولعان بولۋى;
- بەلسەندٸ سايلاۋ قۇقىعىنىڭ بولۋى;
- مەملەكەتتٸك قىزمەتتە نەمەسە سايلانبالى لاۋازىمداردا كەمٸندە 5 جىل جۇمىس تەجٸريبەسٸنٸڭ بولۋى;
- مەملەكەتتٸك تٸلدٸ ەركٸن مەڭگەرۋٸ.
ايتا كەتەرٸ, وسى ۋاقىتقا دەيٸن 6 كانديدات تالاپقا ساي دەپ تانىلدى. ولار: مەيرام قاجىكەن ("امانات" كەسٸپوداقتار بٸرلەستٸگٸ), قاسىم-جومارت توقاەۆ (حالىقتىق كواليتسييا), جيگۋلي دايراباەۆ ("اۋىل" پارتيياسى), نۇرلان ەۋەسباەۆ (جسدپ), قاراقات ەبدەن (كەسٸبي ەلەۋمەتتٸك جۇمىسشىلار ۇلتتىق اليانسى) جەنە سالتانات تۇرسىنبەكوۆا (قازاق انالارى — دەستٷرگە جول" قوعامدىق بٸرلەستٸگٸ). قاسىم-جومارت توقاەۆ كانديداتتىڭ كۋەلٸگٸن الىپ ٷلگەردٸ.
