پوليتسييادا 15 جىلدان استام ەڭبەك ەتكەن اسلان ەلسەروۆتى تۋىستارى اقتىق ساپارعا شىعارىپ سالدى. مارقۇمنىڭ كٶرشٸسٸ اسلاننىڭ وتباسى تۋرالى ايتتى, دەپ حابارلايدى Ult.kz Sn.kz-كە سٸلتەمە جاساپ.
مارقۇمنىڭ مەيٸتٸ كٷنٸ كەشە كەگەن اۋدانىنىڭ تاۋلى ايماعىنان قول-اياعى بايلاۋلى, ٶرتەنگەن كٷيٸندە تابىلعان. ماماندار, وقيعا الماتى قالاسىندا بولعان دەيدٸ. قازٸر كٷدٸكتٸ رەتٸندە 15 جىل وتاۋلاسقان جۇبايى, كەمەلەتكە تولماعان ۇلى مەن ونىڭ دوسى قاماۋعا الىنىپتى.
اسقان جاۋىزدىقپەن جاسالعان قاندى قىلمىس پەتەردە بولعان, دەيدٸ كٶرشٸ-قولاڭ. مۇندا مارقۇم وتباسىمەن بٸرگە تۇرىپتى. قازٸر ەسٸك مٶرلەنگەن. كٶرشٸلەر قازا تاپقان اسلان مەن جانۇياسى تۋرالى بٸردە-بٸر جامان پٸكٸر ايتپادى. سول كٷنٸ دە ەشقانداي ايقاي-شۋ ەستٸمەپتٸ. تٸپتٸ قىلمىس بولعانىن پوليتسييا قىزمەتكەرلەرٸ جاۋاپ الۋعا كەلگەندە عانا بٸلگەن.
“بٸزگە بٸر پوليتسييا بالا كەلٸپ, انا نەمەرەم 33-تە, سودان سۇراعان. "سەندەر قاشاننان تۇراسىڭدار, كەشە ەستٸدٸڭدەر مە?" دەپ. ول جۇمىستاعى كٸسٸلەر, مەن دە ەشتەڭە ەستٸگەن جوقپىن. تىم-تىرس. ىلعي دا جۇمىستا. اندا-ساندا بالكوننان بالالارىن كٶرەمٸن. تٷك تە بٸلمەيمٸز. كەشە قايعىرىپ قالدىم. ەپ-ەدەمٸ, سونداي كٸسٸلەر. كەلٸنشەگٸ دە, ٶزٸ دە”, – دەيدٸ وتباسىنىڭ كٶرشٸسٸ.
37 جاستاعى مارقۇمنىڭ جەتٸ بالاسى بار ەكەن. قارا جامىلعان اسلاننىڭ تۋىستارى قازٸر تٸلشٸلەرمەن تٸلدەسەتٸن جاعدايدا ەمەس. ال وبلىستىق پوليتسييا دەپارتامەنتٸ سۇمدىق جاعداي بويىنشا قىلمىستىق ٸس قوزعالعانىن مەلٸمدەدٸ.
“23 ماۋسىمدا پوليتسيياعا تاۋلى ايماقتان مەيٸت تابىلعانى تۋرالى حابارلاما تٷستٸ. وقيعا ورنىنا جەدەل-تەرگەۋ توبى شىقتى. قازا بولعان ادامنىڭ جەكە باسى انىقتالدى. ونىڭ پوليتسييا قىزمەتكەرٸ بولعانى راستالدى. جٷرگٸزٸلگەن جەدەل-ٸزدەستٸرۋ ٸس-شارالارىنىڭ نەتيجەسٸندە كٷدٸكتٸلەر, ونىڭ ٸشٸندە مارقۇمنىڭ جۇبايى مەن ۇلى ۇستالدى. بارلىعى ۋاقىتشا ۇستاۋ يزولياتورىنا قامالدى. وقيعا الماتى قالاسىندا بولعان”, – دەيدٸ الماتى وبلىسىنىڭ پوليتسييا دەپارتامەنتٸ.
