Politsiiada 15 jyldan astam eńbek etken Aslan Álserovty týystary aqtyq saparǵa shyǵaryp saldy. Marqumnyń kórshisi Aslannyń otbasy týraly aitty, dep habarlaidy Ult.kz Sn.kz-ke silteme jasap.
Marqumnyń máiiti kúni keshe Kegen aýdanynyń taýly aimaǵynan qol-aiaǵy bailaýly, órtengen kúiinde tabylǵan. Mamandar, oqiǵa Almaty qalasynda bolǵan deidi. Qazir kúdikti retinde 15 jyl otaýlasqan jubaiy, kámeletke tolmaǵan uly men onyń dosy qamaýǵa alynypty.
Asqan jaýyzdyqpen jasalǵan qandy qylmys páterde bolǵan, deidi kórshi-qolań. Munda marqum otbasymen birge turypty. Qazir esik mórlengen. Kórshiler qaza tapqan Aslan men januiasy týraly birde-bir jaman pikir aitpady. Sol kúni de eshqandai aiqai-shý estimepti. Tipti qylmys bolǵanyn politsiia qyzmetkerleri jaýap alýǵa kelgende ǵana bilgen.
“Bizge bir politsiia bala kelip, ana nemerem 33-te, sodan suraǵan. "Sender qashannan turasyńdar, keshe estidińder me?" dep. Ol jumystaǵy kisiler, men de eshteńe estigen joqpyn. Tym-tyrs. Ylǵi da jumysta. Anda-sanda balkonnan balalaryn kóremin. Túk te bilmeimiz. Keshe qaiǵyryp qaldym. Áp-ádemi, sondai kisiler. Kelinshegi de, ózi de”, – deidi otbasynyń kórshisi.
37 jastaǵy marqumnyń jeti balasy bar eken. Qara jamylǵan Aslannyń týystary qazir tilshilermen tildesetin jaǵdaida emes. Al Oblystyq politsiia departamenti sumdyq jaǵdai boiynsha qylmystyq is qozǵalǵanyn málimdedi.
“23 maýsymda politsiiaǵa taýly aimaqtan máiit tabylǵany týraly habarlama tústi. Oqiǵa ornyna jedel-tergeý toby shyqty. Qaza bolǵan adamnyń jeke basy anyqtaldy. Onyń politsiia qyzmetkeri bolǵany rastaldy. Júrgizilgen jedel-izdestirý is-sharalarynyń nátijesinde kúdiktiler, onyń ishinde marqumnyń jubaiy men uly ustaldy. Barlyǵy ýaqytsha ustaý izoliatoryna qamaldy. Oqiǵa Almaty qalasynda bolǵan”, – deidi Almaty oblysynyń politsiia departamenti.
