بٷگٸن قر ورتالىق سايلاۋ كوميسسيياسىنىڭ وتىرىسىندا پرەزيدەنتتٸككە ۇسىنىلعان باقىت جاڭاباەۆتىڭ, نۇرجان ەلتاەۆتىڭ جەنە جۇماتاي ەليەۆتٸڭ كاندتيداتۋراسىن تٸركەۋدەن باس تارتتى, دەپ حابارلايدى قازاقپارات.
باقىت جاڭاباەۆ ٷمٸتكەرلەردٸ تٸركەۋدٸڭ سوڭعى سەتٸندە قۇجات تاپسىرعان بولاتىن. ونىڭ كانديداتۋراسىن «قازاقستان ەۋەسقوي فۋتبولشىلارىنىڭ» قوعامدىق بٸرلەستٸگٸ ۇسىنعان.
«اۋماقتىق سايلاۋ كوميسسييالارىنىڭ حاتتامالارىنا سەيكەس, قولداۋعا 58 889 قول جينالدى, تەكسەرۋ نەتيجەلەرٸ بويىنشا 4 054 قول تانىلدى. بۇل سايلاۋشىلاردىڭ جالپى سانىنىڭ 1%-دان ازىن قۇرايدى. وسىلايشا, «سايلاۋ تۋرالى» كونستيتۋتسييالىق زاڭنىڭ 56-بابى 2-تارماعىنىڭ كانديداتتى قولداۋعا سايلاۋشىلار قولىنىڭ قاجەتتٸ سانى تۋرالى تالابى ورىندالمادى», - دەدٸ وسك مٷشەسٸ سەبيلا مۇستافينا وتىرىس بارىسىندا.
سونىمەن بٸرگە, وسك مٷشەسٸ شاۆكات ٶتەمٸسوۆتىڭ ايتۋىنشا, نۇرجان ەلتاەۆ 2022 جىلى 6 قازاندا «مۇقالماس» رەسپۋبليكالىق قوعامدىق بٸرلەستٸگٸنەن كانديدات رەتٸندە ۇسىنىلدى. كانديداتتىڭ زاڭناما تالاپتارىنا سەيكەستٸگٸن انىقتاۋ ٷشٸن تيٸستٸ مەملەكەتتٸك ورگانداردان مەلٸمەتتەر, سونداي-اق لينگۆيستيكالىق كوميسسييا قورىتىندىسى الىندى.
«2022 جىلعى 11 قازاندا وسك-عا «مۇقالماس» رەسپۋبليكالىق قوعامدىق بٸرلەستٸگٸنٸڭ جالپى وتىرىسىنىڭ قر پرەزيدەنتتٸگٸنە كانديدات ۇسىنۋ جٶنٸندەگٸ 2022 جىلعى 6 قازانداعى №19 حاتتاماسىنىڭ قولدانىلۋىن سوت شەشٸمٸ زاڭدى كٷشٸنە ەنگەنشە توقتاتۋ تۋرالى استانا قالاسى بايقوڭىر اۋداندىق سوتىنىڭ 2022 جىلعى 11 قازانداعى دەرەۋ ورىنداۋدى تالاپ ەتەتٸن ۇيعارىمى كەلٸپ تٷستٸ. ورتالىق سايلاۋ كوميسسيياسىندا «قر سايلاۋ تۋرالى» كونستيتۋيالىق زاڭىنىڭ 54-بابى 2-تارماعى نەگٸزٸندە پرەزيدەنتتٸككە كانديداتتىڭ كونستيتۋتسييادا جەنە «قر سايلاۋ تۋرالى» كونستيتۋتسييالىق زاڭدا وعان قوياتىن تالاپتارعا سەيكەستٸگٸن, ونىڭ ٸشٸندە كانديداتتى ۇسىنۋ تۋرالى رەسپۋبليكالىق قوعامدىق بٸرلەستٸكتٸڭ جوعارعى ورگان وتىرىسىنىڭ حاتتاماسىنان ٷزٸندٸ كٶشٸرمە نەگٸزٸندە بەلگٸلەۋ ٶكٸلەتتٸگٸ بەرٸلگەن», - دەدٸ ٶتەمٸسوۆ.
ورتالىق سايلاۋ كوميسسيياسى سوتتىڭ ۇيعارىمىن ورىنداي وتىرىپ, 2022 جىلعى 12 قازاندا «قر سايلاۋ تۋرالى» كونستيتۋتسييالىق زاڭىنىڭ 12-بابىنىڭ 17-تارماقشاسىن باسشىلىققا الا وتىرىپ, پرەزيدەنتتٸككە كانديدات ن. ەلتاەۆتىڭ سەيكەستٸگٸن بەلگٸلەۋ رەسٸمٸن توقتاتا تۇرعان بولاتىن.
«مۇقالماس» رەسپۋبليكالىق قوعامدىق بٸرلەستٸگٸنٸڭ جوعارى ورگانىنىڭ 2022 جىلعى 6 قازانداعى №19 قر پرەزيدەنتتٸگٸنە كانديدات رەتٸندە ن. ەلتاەۆتى ۇسىنۋ تۋرالى حاتتاماسى استانا قالالىق بايقوڭىر اۋداندىق سوتىنىڭ 2022 جىلعى 17 قازانداعى شەشٸمٸ بويىنشا جارامسىز دەپ تانىلۋىنا بايلانىستى ورتالىق سايلاۋ كوميسسيياسىندا قر پرەزيدەنتتٸگٸنە كانديدات ۇسىنۋ تۋرالى قولدانىستاعى قۇجاتى جوق دەپ تانىلادى. سول سەبەپتەن ورتالىق سايلاۋ كوميسسيياسى مٷشەلەرٸنٸڭ قاراۋىنا تٸركەۋدەن باس تارتۋ تۋرالى تيٸستٸ حاتتاما مەن قاۋلى جوباسى دايىندالىپ, ۇسىنىلدى», - دەدٸ شاۆكات ٶتەمٸسوۆ.
وتىرىسقا قاتىسۋشىلار نۇرجان ەلتاەۆتى قر پرەزيدەنتتٸگٸنە كانديدات رەتٸندە تٸركەۋدەن باس تارتۋ تۋرالى قاۋلىنى قابىلدادى.
«حالىق دەموگرافيياسى» قوعامدىق بٸرلەستٸگٸ اتىنان ۇسىنىلعان جۇماتاي ەليەۆ سايلاۋشىلاردىڭ قاجەتتٸ قولىن جيناي المادى جەنە دەنساۋلىق جاعدايى تالاپقا ساي كەلمەدٸ.
«جۇماتاي ەليەۆ كانديداتتىڭ اكتيۆتەرٸ مەن مٸندەتتەمەلەرٸ تۋرالى دەكلاراتسييانى تاپسىرعانى تۋرالى انىقتامانى جەنە دەنساۋلىق جاعدايى تۋرالى مەديتسينالىق قورىتىندىنى ۇسىندى. بٸراق دەنساۋلىق جاعدايى تۋرالى مەديتسينالىق تۇجىرىمداما تالاپتارعا سەيكەس كەلمەيدٸ», - دەدٸ وتىرىس بارىسىندا قر وسك مٷشەسٸ اناستاسييا ششەگورتسوۆا.
سپيكەر اۋماقتىق سايلاۋ كوميسسييالارىنىڭ حاتتامالارىنا سەيكەس, ج. ەليەۆتٸ قولداۋ ماقساتىندا 20 ٶڭٸردەن 187 723 قول جينالعانىن اتاپ ٶتتٸ.
«تەكسەرۋ نەتيجەسٸندە 36 776 قول سەنٸمدٸ دەپ تانىلدى. بۇل سايلاۋشىلاردىڭ جالپى سانىنىڭ 1%-دان ازىن قۇرايدى. وسىلايشا, سايلاۋ تۋرالى كونستيتۋتسييالىق زاڭنىڭ 56-بابى 2-تارماعىنىڭ كانديداتتى قولداۋعا سايلاۋشىلار قولىنىڭ قاجەتتٸ سانى تۋرالى تالابى ورىندالمادى», - دەدٸ ول.
وسك مٷشەلەرٸ جۇماتاي ەليەۆتٸ قر پرەزيدەنتتٸگٸنە كانديدات رەتٸندە تٸركەۋدەن باس تارتۋ تۋرالى قاۋلى قابىلداۋعا داۋىس بەردٸ.
ايتا كەتەيٸك, بٷگٸن ساعات 18.00-دە پرەزيدەنتتٸككە ٷمٸتكەرلەردٸ تٸركەۋ اياقتالىپ, كانديداتتار سايلاۋ الدىنداعى ٷگٸت جۇمىستارىنا كٸرٸستٸ.
