© استانا قالاسىنىڭ ەكٸمدٸگٸ
ەلٸمٸزدە اۋتيزمگە شالدىعاتىن بالالاردىڭ كٶبەيۋٸ وسى باعىتتا وڭالتۋ ورتالىقتارىنىڭ سانىن دا ارتتىرۋدى قاجەت ەتۋدە. وسىعان وراي استانادا مەملەكەتتٸك تاپسىرىسپەن ەرەكشە بالالارعا تەگٸن قىزمەت كٶرسەتەتٸن "OrdaAutism" تٷزەتۋ ورتالىعىنىڭ تٶرتٸنشٸ فيليالى اشىلدى, دەپ حابارلايدى قالالىق ەكٸمدٸكتٸڭ رەسمي سايتى.
ونىڭ اشىلۋىنا استانا قالاسى ٸشكٸ ساياسات باسقارماسىنىڭ باسشىسى نۇردەۋلەت ەلمۇحانوۆ, استانا قالاسى جۇمىسپەن قامتۋ جەنە ەلەۋمەتتٸك قورعاۋ باسقارماسىنىڭ باسشىسى يليا سكۋب قاتىسىپ, جاڭا ۇجىم جۇمىسىنا سەتتٸلٸك تٸلەدٸ.
ورتالىقتى 2016 جىلدان بەرٸ جۇمىس ٸستەيتٸن استانا قالالىق "Orda" اۋتيزمٸ بار بالالار اتا-انالارىنىڭ قوعامدىق بٸرلەستٸگٸ اشىپ وتىر. بۇعان دەيٸن ولار اشقان 3 ورتالىق جىلىنا 500-دەن استام بالانى تٷزەتۋ جەنە وڭالتۋمەن اينالىساتىن. مۇندا عىلىمي دەلەلدەنگەن, ەڭ تيٸمدٸ, زاماناۋي ەدٸستەمەلەر قولدانىلادى جەنە ارنايى دايىندىقتان ٶتكەن ماماندار جۇمىس ٸستەيدٸ. ەرەكشە بالعىنداردىڭ اتا-انالارىنا دا پسيحولوگييالىق قولداۋ كٶرسەتٸلەدٸ.
جاڭا عيماراتتا اۋتيزمگە شالدىققان بالالاردى وڭالتۋ مەن تٷزەتۋدٸڭ تىڭ فورماتتارى ەنگٸزٸلگەن, مەكەمە جۇمىسى وسى رەتتە زاماناۋي ماشىقتار مەن ەلەۋمەتتەندٸرۋگە قول جەتكٸزۋگە باعىتتالعان. ونىڭ اشىلۋى ٷشٸن قانشاما رەسۋرس پەن كٷش سالىندى. وسىعان وراي ورتالىق باسشىسى استانا قالاسى جۇمىسپەن قامتۋ جەنە ەلەۋمەتتٸك قورعاۋ باسقارماسىنا 7 جىل بويى سەرٸكتەس بولىپ كەلە جاتقانى ٷشٸن العىس بٸلدٸردٸ.
800 شارشى مەتر اۋماقتى الاتىن جاڭا ورتالىقتا تولىعىمەن جابدىقتالعان 20-دان استام كابينەت بار. بۇل جەردە لوگوپەدتەر, دەفەكتولوگتار, پسيحولوگتار, بەيٸمدەۋ دەنە تەربيەسٸ بويىنشا نۇسقاۋشىلار, مۋزىكا تەراپييا ماماندارى جەنە تاعى باسقا سالا قىزمەتكەرلەرٸ جۇمىس ٸستەيدٸ. بالالاردىڭ ٷيٸنە بارىپ, ەلەۋمەتتٸك قىزمەت كٶرسەتەتٸن ماماندار دا بار.
ورتالىقتىڭ بۇعان دەيٸنگٸ ٷش فيليالى تۇران, 9, ب.مايلين, 21 جەنە ە.بٶكەيحان, 25ۆ مەكەنجايلارى بويىنشا ورنالاسقان بولسا, جاڭادان اشىلعان فيليال عيماراتى كەنەسارى, 80 مەكەنجايىندا ورنالاسقان.
