بٷگٸن جازۋشىلار وداعى عيماراتىندا بەلگٸلٸ اقىن, قوعام قايراتكەرٸ ورازاقىن اسقارمەن قوشتاسۋ رەسٸمٸ ٶتتٸ.
قارالى جيىنعا اقىننىڭ اعايىن-تۋىستارى, زامانداس دوستارى, زييالى قاۋىم ٶكٸلدەرٸ مەن قاتار اتامەكەنٸ جاركەنتتەن, پانفيلوۆ اۋدانىنان, الماتى وبلىسى ەكٸمدٸگٸنەن ارنايى ازاماتتار كەلٸپ, اقتىق ساپارعا شىعارىپ سالدى.
قازاقستان جازۋشىلار وداعىنىڭ باسشىسى, كٶرنەكتٸ اقىن ۇلىقبەك ەسداۋلەت سٶز سٶلەپ, جىلى ەستەلٸكتەرٸن دە تٸلگە تيەك ەتتٸ.
ت.ق.جٷرگەنوۆ اتىنداعى قازۇٶا رەكتورى اسحات ماەميروۆ قازاقستان رەسپۋبليكاسىنىڭ مەدەنيەت جەنە سپورت مينيسترٸ ارىستانبەك مۇحامەديۇلىنىڭ جەدەلحاتىن وقىپ بەردٸ.
"قازاقتىڭ ماڭدايىنا بٸتكەن دارا تۇلعا, كٶرنەكتٸ قالامگەر, ۇلت جاناشىرى ورازاقىن اسقار اعامىز دٷنيەدەن وزدى. ۇلتتىق ەدەبيەتٸمٸزدە ٶزٸنٸڭ قايتالانباس قولتاڭباسىن قالدىرعان تالانتتى سۋرەتكەر, قازاقتىڭ بٸرتۋار ازاماتى كەلمەس ساپارعا اتتاندى. قازاق ەدەبيەتٸنٸڭ قارالى كٷنٸ بارشاڭىزعا قايعىرىپ كٶڭٸل ايتامىن. اللا الدىڭىزدان جارىلقاسىن, اعا! جانىڭىز جەناتتا بولسىن", - دەلٸنگەن مەدەنيەت مينيسترٸنٸڭ كٶڭٸل ايتۋ حاتىندا.
ايتا كەتەيٸك, ورازاقىن اسقار 84 جاسىنا قاراعان شاعىندا ٶمٸردەن ٶتتٸ. ورازاقىن اسقار 1935 جىلى 16 مامىردا شىعىس تٷركٸستان ٶلكەسٸنٸڭ ٸلە ايماعىنا قاراستى مٷكەي قاراتاس دەگەن جەردە دٷنيەگە كەلگەن. باستاۋىش بٸلٸمدٸ سارىبۇلاق مەكتەبٸندە الىپ, قۇلجا قالاسىنداعى «بٸلٸم جۇرتى» دەپ اتالاتىن گيمنازييادا وقىعان.
1951 جىلى ٷرٸمشٸ قالاسىندا اشىلعان ۇلتتار ينستيتۋتىنىڭ تٸل جەنە ەدەبيەت فاكۋلتەتٸنە تٷسٸپ, ونىڭ ەكٸنشٸ كۋرسىن اياقتاعاننان كەيٸن «شىڭجاڭ گازەتٸ» رەداكتسيياسىنا قىزمەتكە تۇردى. بۇل جىلدارى سول گازەتكە جەنە «شۇعىلا» جۋرنالىنا ٶلەڭدەرٸ جيٸ جارييالانا باستايدى. 1955 جىلى اتامەكەنٸ قازاقستانعا كٶشٸپ كەلٸپ, 1961 جىلى قازاق مەملەكەتتٸك ۋنيۆەرسيتەتٸنٸڭ فيلولوگييا فاكۋلتەتٸن بٸتٸرٸپ شىعادى. 1955 جىلى جارىق كٶرگەن «قوس جٷرەك» اتتى جاس اقىنداردىڭ ۇجىمدىق جيناعىنا ٶلەڭدەرٸ ەنگەن.
بٸراز جىل قازاق كسر عىلىم اكادەميياسىنىڭ ش.ۋەليحانوۆ اتىنداعى تاريح, ەتنوگرافييا جەنە ارحەولوگييا ينستيتۋتىندا كٸشٸ عىلىمي قىزمەتكەر, ودان كەيٸن قازاقستان جازۋشىلار وداعىنىڭ كٶركەم ەدەبيەتتٸ ناسيحاتتاۋ بيۋروسىندا نۇسقاۋشى, رەسپۋبليكالىق كٸتاپ پالاتاسىندا بٶلٸم مەڭگەرۋشٸسٸ, «جالىن» باسپاسىندا اعا رەداكتور بولعان. قازاقتىڭ قارا ٶلەڭٸن جيناپ, ەكٸ تومىن باستىردى.
1996 جىلدان قازاقستان جازۋشىلار وداعى باسقارماسىنىڭ مٷشەسٸ. حالىقارالىق «الاش» ەدەبي سىيلىعىنىڭ لاۋرەاتى. «ەرەن ەڭبەگٸ ٷشٸن», «تەۋەلسٸزدٸكتٸڭ 10 جىلى» مەدالدارىنىڭ يەگەرٸ. مۇقاعالي اتىنداعى سىيلىقتىڭ يەگەرٸ. پانفيلوۆ اۋدانىنىڭ قۇرمەتتٸ ازاماتى.
