فوتو: پرەمەر-مينيستردٸڭ باسپاسٶز قىزمەتٸ
ورالدى تاسقىننان قورعاۋ شارالارىنا ەلٸمٸزدٸڭ باسقا ٶڭٸرلەرٸنەن تاعى 500 ەسكەري قىزمەتشٸ مەن قۇتقارۋشى جۇمىلدىرىلادى, دەپ حابارلادى ٷكٸمەتتٸڭ باسپاسٶز قىزمەتٸ.
21 سەۋٸر كٷنٸ تاڭەرتەڭ جايىق ٶزەنٸندەگٸ سۋ دەڭگەيٸ قاۋٸپتٸ مەجەدەن اسىپ, 8,5 مەتردٸ قۇراعان. ٶزەن سۋى جايىلعان جەرگە ورنالاسقان ساياجاي الاپتارى سۋ استىندا قالىپ, جايىق جەنە شاعان ٶزەندەرٸنٸڭ ماڭىنداعى شاعىن اۋداندارعا سۋ جەتكەن.
"قورعانىس قۇرىلىستارىن نىعايتۋ شارالارىنا وبلىس بويىنشا 10,6 مىڭنان استام ادام جەنە قالا بويىنشا 6,4 مىڭ ادام, سونداي-اق قازاقستاننىڭ باسقا ٶڭٸرلەرٸنەن تارتىلعان 2 مىڭنان استام تەحنيكا جۇمىلدىرىلدى", - دەلٸنگەن حابارلامادا.
ۆيتسە-پرەمەر قانات بوزىمباەۆ شارىقتاۋ شەگٸنە جەتكەن سۋ تاسقىنىمەن كٷرەسۋ ٷشٸن ماڭعىستاۋ, اقتٶبە وبلىستارىنان, استانا مەن الماتىدان تاعى 500 ەسكەري قىزمەتشٸ مەن قۇتقارۋشىنى بقو-عا جٸبەرۋدٸ تاپسىردى. ورالعا تجم جەنە قورعانىس مينيسترلٸگٸ بويىنشا 200 ادام كەلٸپ, جۇمىسقا كٸرٸسٸپ كەتتٸ.
قانات بوزىمباەۆ ورالدىڭ پەريمەترٸ بويىنشا سۋ تاسقىنىنا قارسى قورعانىس قۇرىلىستارىن تەكسەردٸ. سۋ تاسقىنىنىڭ شارىقتاۋ شەگٸ ۇزارادى دەگەن بولجام بار, وسىعان بايلانىستى ۆيتسە-پرەمەر سۋ باسۋ قاۋپٸ بار ايماقتاعى ٶزەندەردٸڭ بويىنداعى توپىراق بٶگەتتەرٸن تاعى بٸرنەشە مەترگە كٶتەرۋدٸ تاپسىردى.
بقو اۋىلدىق ەلدٸ مەكەندەرٸندە جاعداي تۇراقتى جەنە باقىلاۋدا. سۋ تاسقىنى كەزەڭٸ باستالعالى ٶڭٸردەگٸ جايىق جەنە شاعان ٶزەندەرٸنٸڭ بويىندا 136 شاقىرىمنان استام بٶگەت سالىنىپ, ونىڭ ٸشٸندە ورال قالاسىندا 45 شاقىرىمدى قۇرادى.
