ورال قالاسىنىڭ اۋماعىندا جەرگٸلٸكتٸ دەڭگەيدەگٸ تابيعي سيپاتتاعى تٶتەنشە جاعداي جارييالاندى. مۇنداي شەشٸم زاچاگان كەنتٸنەن شامامەن 15 شاقىرىم جەردە ورنالاسقان قاتتى تۇرمىستىق قالدىقتار پوليگونىنداعى ٸرٸ ٶرتكە بايلانىستى قابىلداندى, دەپ حابارلايدى ult.kz.
بۇعان دەيٸن اۋا تەمپەراتۋراسىنىڭ قالىپتان تىس كٶتەرٸلۋٸ سالدارىنان پوليگوندا ٶرت تۇتانىپ, جالىن 12 گەكتار اۋماقتى شارپىعان.
ورال قالاسى ەكٸمدٸگٸنٸڭ مەلٸمەتٸنشە, ٶرت تۋرالى حابار تٷسكەن سەتتەن باستاپ تٸلسٸز جاۋدى وقشاۋلاۋ جەنە سٶندٸرۋ جۇمىستارى دەرەۋ باستالدى. ٶرت وشاقتارىنا ٷزدٸكسٸز سۋ تٶگٸلٸپ, سٶندٸرٸلگەن اۋماقتار توپىراقپەن جابىلىپ جاتىر.
قازٸرگٸ ۋاقىتتا ٶرتتٸ تولىق اۋىزدىقتاۋ ٷشٸن وقيعا ورنىندا 34 ارنايى تەحنيكا جۇمىلدىرىلعان.
قالىپتاسقان جاعدايعا بايلانىستى قالا اۋماعىندا جەرگٸلٸكتٸ دەڭگەيدەگٸ تابيعي سيپاتتاعى تٶتەنشە جاعداي رەجيمٸ ەنگٸزٸلدٸ. تٶتەنشە جاعدايدىڭ سالدارىن جويۋ جۇمىستارىن ٷيلەستٸرۋ ورال قالاسى ەكٸمٸنٸڭ ورىنباسارى جاندوس دٷيسەنعاليەۆكە جٷكتەلدٸ.
«جاعداي تۇراقتى باقىلاۋدا. ٶرتتٸ تولىق سٶندٸرۋ جەنە تٷتٸننٸڭ تارالۋىن بارىنشا ازايتۋ ٷشٸن بارلىق قاجەتتٸ شارالار قابىلدانىپ جاتىر», – دەپ حابارلادى ورال قالاسىنىڭ ەكٸمدٸگٸ.
ەسكە سالا كەتەيٸك, بۇعان دەيٸن ورالداعى قاتتى تۇرمىستىق قالدىقتار پوليگونىندا ٶرت شىققانى تۋرالى حابارلانعان بولاتىن.
