Oral qalasynyń aýmaǵynda jergilikti deńgeidegi tabiǵi sipattaǵy tótenshe jaǵdai jariialandy. Mundai sheshim Zachagan kentinen shamamen 15 shaqyrym jerde ornalasqan qatty turmystyq qaldyqtar poligonyndaǵy iri órtke bailanysty qabyldandy, dep habarlaidy ult.kz.
Buǵan deiin aýa temperatýrasynyń qalyptan tys kóterilýi saldarynan poligonda órt tutanyp, jalyn 12 gektar aýmaqty sharpyǵan.
Oral qalasy ákimdiginiń málimetinshe, órt týraly habar túsken sátten bastap tilsiz jaýdy oqshaýlaý jáne sóndirý jumystary dereý bastaldy. Órt oshaqtaryna úzdiksiz sý tógilip, sóndirilgen aýmaqtar topyraqpen jabylyp jatyr.
Qazirgi ýaqytta órtti tolyq aýyzdyqtaý úshin oqiǵa ornynda 34 arnaiy tehnika jumyldyrylǵan.
Qalyptasqan jaǵdaiǵa bailanysty qala aýmaǵynda jergilikti deńgeidegi tabiǵi sipattaǵy tótenshe jaǵdai rejimi engizildi. Tótenshe jaǵdaidyń saldaryn joiý jumystaryn úilestirý Oral qalasy ákiminiń orynbasary Jandos Dúisenǵalievke júkteldi.
«Jaǵdai turaqty baqylaýda. Órtti tolyq sóndirý jáne tútinniń taralýyn barynsha azaitý úshin barlyq qajetti sharalar qabyldanyp jatyr», – dep habarlady Oral qalasynyń ákimdigi.
Eske sala keteiik, buǵan deiin Oraldaǵy qatty turmystyq qaldyqtar poligonynda órt shyqqany týraly habarlanǵan bolatyn.
