ورال قالاسىندا كٷيشٸ-كومپوزيتور دەۋلەتكەرەي شىعايۇلىنىڭ 200, اسا كٶرنەكتٸ ورىنداۋشى ناۋشا بٶكەيحانوۆتىڭ 150 جىلدىعىنا ارنالعان «كٷمبٸرلەگەن كٷمٸس كٷي» اتتى رەسپۋبليكالىق دومبىراشىلار بايقاۋى ٶتەدٸ, دەپ حابارلايدى "ۇلت اقپارات".
بقو ەكٸمدٸگٸ جەنە مەدەنيەت باسقارماسىنىڭ قولداۋىمەن وبلىستىق حالىق شىعارماشىلىعى ورتالىعى ۇيىمداستىرىپ وتىرعان بايقاۋ 27-28 قازان كٷندەرٸ جاستار مەدەنيەت سارايىندا بولماقشى.
اتالمىش ورتالىق ديرەكتورى مەۋلەت جۇباتوۆتىڭ ايتۋىنشا, كٷي سايىسى ٷش كەزەڭنەن تۇرادى. وندا دومبىراشىلار دەۋلەتكەرەي, ناۋشا جەنە قۇرمانعازىنىڭ كٷيلەرٸن ورىندايدى. بايقاۋدىڭ العاشقى ەكٸ كەزەڭٸندە دومبىراشىلار جەكە كٷي تارتسا, سوڭعى سىن ديريجەر, كومپوزيتور, «دارىن» جاستار مەملەكەتتٸك سىيلىعىنىڭ لاۋرەاتى ەركٸن نۇرىمبەتوۆ جەتەكشٸلٸك ەتەتٸن ع.قۇرمانعاليەۆ اتىنداعى وبلىستىق فيلارمونييانىڭ دەۋلەتكەرەي اتىنداعى ۇلت اسپاپتار وركەسترٸنٸڭ قاتىسۋىمەن ٶتەدٸ.
دەۋلەسكەر كٷيشٸ دەۋلەتكەرەي شىعايۇلى مەن ناۋشا بٶكەيحانوۆتىڭ ەسٸمدەرٸن ۇلىقتاۋ ماقساتىندا ۇيىمداستىرىلعان بايقاۋعا الماتى, اتىراۋ, قىزىلوردا, ماڭعىستاۋ وبلىستارىنان, سونداي-اق ورال قالاسى مەن باتىس قازاقستان اۋداندارىنان بارلىعى 18 ٷمٸتكەر قاتىسىپ, باق سىناماقشى. ولاردىڭ ٶنەرٸن ەلگە تانىمال كٷيشٸلەردەن قۇرالعان قازىلار القاسى باعالايدى.
ايتا كەتەيٸك, بٶكەي حاندىعىندا دٷنيەگە كەلگەن دەۋلەتكەرەي شىعايۇلى (1820-1887) – نەزٸك ليريزمگە تولى تٶرە كٷيلەرٸنٸڭ نەگٸزٸن قالاعان حالىق كومپوزيتورى. ال ناۋشا بٶكەيحانوۆ (1870-1944) دەۋلەتكەرەيدٸڭ مۇراسىن كەيٸنگٸ ۇرپاققا جەتكٸزدٸ. سونىمەن قاتار ول قازاق ۇلتتىق حالىق اسپاپتارى وركەسترٸنٸڭ نەگٸزٸن قالاۋشىلاردىڭ بٸرٸ رەتٸندە تاريحتا قالدى.
