ورالدا بٸر كٷندە 50 ادامنان كوروناۆيرۋس تابىلدى, دەپ حابارلايدى بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ.
سوڭعى تەۋلٸكتە 84 ادامنىڭ ٸندەت جۇقتىرعانى بەلگٸلٸ بولسا, سونىڭ 50-ٸ ورال قالاسىنىڭ ٷلەسٸنە تيەدٸ.
سوڭعى ٷش كٷندە ٶڭٸردە 205 ادامنىڭ اۋىرعانى تٸركەلسە, سونىڭ 118-ٸ, ياعني تەڭ جارتىسىنان استامى وبلىس ورتالىعىندا انىقتالعان.
سونداي-اق ٷش كٷندە شىڭعىرلاۋ اۋدانىندا 20, بەيتەرەكتە 14, اقجايىقتا 12, تەرەكتٸدە 11, بٶرلٸدە 10 ادامنان كوروناۆيرۋس تابىلدى.
ٸندەت باستالعاننان بەرٸ وبلىستا 12329 ادام دەرتكە شالدىعىپ, سونىڭ 9897-سٸ جازىلىپ شىقتى. 199 ادام كٶز جۇمدى.
ەپيدەميولوگتاردىڭ سٶزٸنە قاراعاندا, ٸندەتتٸ قوعامدىق ورىندار مەن بازارلاردا, ادامدار كٶپ جينالاتىن ورتالىقتاردا, جۇمىس بارىسىندا, اۆتوبۋستا جۇقتىرۋ دەرەكتەرٸ تٸركەلۋدە. سونىمەن قاتار تٷرلٸ وتباسىلىق ٸس-شارالاردىڭ تىيىلماۋى دا الاڭداتادى.
ەسكە سالا كەتەيٸك, بۇدان بۇرىن باتىس قازاقستاندا 35 مۇعالٸمنەن كوروناۆيرۋس انىقتالعانىن جازعان بولاتىنبىز.
