Oralda bir kúnde 50 adamnan koronavirýs tabyldy, dep habarlaidy BQO sanitarlyq-epidemiologiialyq baqylaý departamentiniń baspasóz qyzmeti.
Sońǵy táýlikte 84 adamnyń indet juqtyrǵany belgili bolsa, sonyń 50-i Oral qalasynyń úlesine tiedi.
Sońǵy úsh kúnde óńirde 205 adamnyń aýyrǵany tirkelse, sonyń 118-i, iaǵni teń jartysynan astamy oblys ortalyǵynda anyqtalǵan.
Sondai-aq úsh kúnde Shyńǵyrlaý aýdanynda 20, Báiterekte 14, Aqjaiyqta 12, Terektide 11, Bórlide 10 adamnan koronavirýs tabyldy.
Indet bastalǵannan beri oblysta 12329 adam dertke shaldyǵyp, sonyń 9897-si jazylyp shyqty. 199 adam kóz jumdy.
Epidemiologtardyń sózine qaraǵanda, indetti qoǵamdyq oryndar men bazarlarda, adamdar kóp jinalatyn ortalyqtarda, jumys barysynda, avtobýsta juqtyrý derekteri tirkelýde. Sonymen qatar túrli otbasylyq is-sharalardyń tyiylmaýy da alańdatady.
Eske sala keteiik, budan buryn Batys Qazaqstanda 35 muǵalimnen koronavirýs anyqtalǵanyn jazǵan bolatynbyz.
