ورال قالاسىندا وبلىستىق جۇقپالى اۋرۋلار اۋرۋحاناسىندا قايتىس بولعان 12 جاستاعى دەمەلٸ ابدراحمانوۆانىڭ ٶلٸمٸنە بايلانىستى تەكسەرۋ جٷرگٸزٸلٸپ جاتىر, دەپ حابارلايدى ult.kz.
تۋىستارىنىڭ ايتۋىنشا, قىز بالا اۋرۋحاناعا 28 ماۋسىمدا تٷسٸپ, وعان ٸرٸڭدٸ باسپا دياگنوزى قويىلعان. ول پالاتاعا جاتقىزىلعانىمەن, كەلەسٸ كٷنٸ جاعدايى كٷرت ناشارلاپ, كٶز جۇمعان.
مارقۇمنىڭ جاقىندارى قايعىلى وقيعاعا مەديتسينا قىزمەتكەرلەرٸنٸڭ سالعىرتتىعى سەبەپ بولدى دەپ ەسەپتەيدٸ.
وسى جاعدايعا بايلانىستى باتىس قازاقستان وبلىسىنىڭ دەنساۋلىق ساقتاۋ باسقارماسى تەكسەرۋ باستالعانىن مەلٸمدەدٸ.
ۆەدومستۆونىڭ حابارلاۋىنشا, قازٸرگٸ ۋاقىتتا سوت-مەديتسينالىق ساراپتاما جٷرگٸزٸلٸپ جاتىر. ونىڭ قورىتىندىسى شىققانعا دەيٸن بالانىڭ ناقتى نەدەن قايتىس بولعانىن ايتۋ مٷمكٸن ەمەس.
– سوت-مەديتسينالىق ساراپتاما ەلٸ اياقتالعان جوق. سوندىقتان ٶلٸمنٸڭ ناقتى سەبەبٸ ەزٸرگە انىقتالمادى. رەسمي اقپارات ساراپتاما قورىتىندىسى دايىن بولعاننان كەيٸن جارييالانادى, – دەپ حابارلادى دەنساۋلىق ساقتاۋ باسقارماسى.
