Oral qalasynda oblystyq juqpaly aýrýlar aýrýhanasynda qaitys bolǵan 12 jastaǵy Dámeli Abdrahmanovanyń ólimine bailanysty tekserý júrgizilip jatyr, dep habarlaidy ult.kz.
Týystarynyń aitýynsha, qyz bala aýrýhanaǵa 28 maýsymda túsip, oǵan irińdi baspa diagnozy qoiylǵan. Ol palataǵa jatqyzylǵanymen, kelesi kúni jaǵdaiy kúrt nasharlap, kóz jumǵan.
Marqumnyń jaqyndary qaiǵyly oqiǵaǵa meditsina qyzmetkerleriniń salǵyrttyǵy sebep boldy dep esepteidi.
Osy jaǵdaiǵa bailanysty Batys Qazaqstan oblysynyń Densaýlyq saqtaý basqarmasy tekserý bastalǵanyn málimdedi.
Vedomstvonyń habarlaýynsha, qazirgi ýaqytta sot-meditsinalyq saraptama júrgizilip jatyr. Onyń qorytyndysy shyqqanǵa deiin balanyń naqty neden qaitys bolǵanyn aitý múmkin emes.
– Sot-meditsinalyq saraptama áli aiaqtalǵan joq. Sondyqtan ólimniń naqty sebebi ázirge anyqtalmady. Resmi aqparat saraptama qorytyndysy daiyn bolǵannan keiin jariialanady, – dep habarlady Densaýlyq saqtaý basqarmasy.
