وسى اپتادا وڭتٷستٸك كورەيا پرەمەر-مينيسترٸنٸڭ ورىنباسارى, بٸلٸم مينيسترٸ لي چجۋن سيك ورتالىق ازيياعا ساپارى اياسىندا قازاقستان مەن ٶزبەكستاندا بولادى, دەپ حابارلايدى قازاقپارات.
Yonhap اگەنتتٸگٸنٸڭ مەلٸمەتٸنشە, بۇل ساپار وڭتٷستٸك كورەيا مەن ەلٸمٸز اراسىندا ديپلوماتييالىق قاتىناستاردىڭ ورناۋىنىڭ 25 جىلدىعىنا, سونداي-اق ەتنيكالىق كورەيلەردٸڭ قونىستانۋىنىڭ 80 جىلدىعىنا ورايلاستىرىلىپ جاسالماق.
لي چجۋن سيكتىڭ ساپارى تٶرت كٷنگە جالعاسادى دەپ كٷتٸلۋدە. ول ەكٸ ەلدٸڭ جوعارى لاۋازىمدى شەنەۋنٸكتەرٸمەن كەلٸسسٶزدەر جٷرگٸزٸپ, ستراتەگييالىق سەرٸكتەستٸك قاتىناستاردى نىعايتۋ مەسەلەلەرٸن تالقىلاماق.
سونىمەن قاتار پرەمەر-مينيستردٸڭ ورىنباسارى قازاقستان مەن ٶزبەكستاندا ٶمٸر سٷرٸپ جاتقان كورەي حالقىنىڭ ٶكٸلدەرٸمەن كەزدەسەدٸ.
قازاقستان مەن ٶزبەكستان سەيكەسٸنشە 100 مىڭ جەنە 180 مىڭ ەتنيكالىق كورەيلەردٸڭ تۋعان جەرٸ بولىپ تابىلادى.
«19-عاسىردىڭ سوڭىندا كەدەيشٸلٸككە تاپ بولعان كورەي فەرمەرلەرٸ ورتالىق ازييا ٶڭٸرلەرٸنە قونىس اۋدارا باستادى, ال كەيٸننەن, ولارعا 1910-1945 جىلدارى جاپونييانىڭ وتارلىق باسقارۋىنا قارسى تۇرعان, تەۋەلسٸزدٸك ٷشٸن كٷرەسكەن كەيبٸر ادامدار قوسىلدى. مۇنىمەن قوسا, 1937 جىلى يوسيف ستاليننٸڭ بۇيرىعىمەن سٸبٸردە تۇرىپ جاتقان كورەيلەر دە ورتالىق ازيياعا جاپپاي جەر اۋدارىلدى»,-دەپ جازادى اگەنتتٸك.
