Osy aptada Ońtústik Koreia Premer-ministriniń orynbasary, Bilim ministri Li Chjýn Sik Ortalyq Aziiaǵa sapary aiasynda Qazaqstan men Ózbekstanda bolady, dep habarlaidy QazAqparat.
Yonhap agenttiginiń málimetinshe, bul sapar Ońtústik Koreia men elimiz arasynda diplomatiialyq qatynastardyń ornaýynyń 25 jyldyǵyna, sondai-aq etnikalyq koreilerdiń qonystanýynyń 80 jyldyǵyna orailastyrylyp jasalmaq.
Li Chjýn Siktyń sapary tórt kúnge jalǵasady dep kútilýde. Ol eki eldiń joǵary laýazymdy sheneýnikterimen kelissózder júrgizip, strategiialyq seriktestik qatynastardy nyǵaitý máselelerin talqylamaq.
Sonymen qatar Premer-ministrdiń orynbasary Qazaqstan men Ózbekstanda ómir súrip jatqan korei halqynyń ókilderimen kezdesedi.
Qazaqstan men Ózbekstan sáikesinshe 100 myń jáne 180 myń etnikalyq koreilerdiń týǵan jeri bolyp tabylady.
«19-ǵasyrdyń sońynda kedeishilikke tap bolǵan korei fermerleri Ortalyq Aziia óńirlerine qonys aýdara bastady, al keiinnen, olarǵa 1910-1945 jyldary Japoniianyń otarlyq basqarýyna qarsy turǵan, táýelsizdik úshin kúresken keibir adamdar qosyldy. Munymen qosa, 1937 jyly Iosif Stalinniń buiryǵymen Sibirde turyp jatqan koreiler de Ortalyq Aziiaǵa jappai jer aýdaryldy»,-dep jazady agenttik.
