فوتو: ٷكٸمەت
پرەمەر-مينيستردٸڭ ورىنباسارى سەرٸك جۇمانعارين ٷكٸمەت وتىرىسىندا اۋىلدار مەن شاعىن قالالارداعى ٶندٸرٸستٸ دامىتۋعا باعىتتالعان «ٸسكەر ايماق» بٸرىڭعاي باعدارلاماسىن تانىستىردى, دەپ حابارلايدى Ult.kz.
«باعدارلاما اۋىلشارۋاشىلىق شيكٸزاتىن قايتا ٶڭدەۋ, شاعىن ناۋبايحانا, جيھاز جەنە قۇرىلىس ماتەريالدارىن ٶندٸرۋ سيياقتى تەز نەتيجە بەرەتٸن, تەحنولوگييالىق جاعىنان قاراپايىم, جىلدام جٷزەگە اسىرىلاتىن جوبالارعا باعىتتالعان», — دەپ اتاپ ٶتتٸ سەرٸك جۇمانعارين.
قارجىلىق شارتتار
باعدارلامادا ەكٸنشٸ دەڭگەيلٸ بانكتەر ارقىلى جىل سايىن 400 ملرد تەڭگە نەسيە بٶلۋ قاراستىرىلعان.
نەسيە: بٸر جوباعا 200 ملن تەڭگەگە دەيٸن.
مٶلشەرلەمەسٸ: ~8,8% (40%-ى مەملەكەتتەن سۋبسيدييالانادى).
مەرزٸمٸ: 3 جىلعا دەيٸن.
«دامۋ» بەرەتٸن كەپٸلدٸك: كەپٸلگە قوياتىن زاتى جوق نەمەسە جەتكٸلٸكسٸز بولعان جاعدايدا قارىز سوماسىنىڭ 85%-ىنا دەيٸن.
رەسۋرستار مەن ينفراقۇرىلىم
سەرٸك جۇمانعاريننٸڭ ايتۋىنشا, بيزنەس اقشانى عانا ەمەس, ناقتى رەسۋرستاردى دا الا الادى, ولار – جەڭٸلدٸكپەن ٷي-جايلاردى, جەر تەلٸمدەرٸن جالعا الۋ جەنە كوممۋنيكاتسييالار جٷرگٸزۋ. ٶندٸرٸستٸ تيٸمدٸ ٸسكە قوسۋ ٷشٸن سەرۆيستٸك سٷيەمەلدەۋ جەنە سول سالاعا باعىتتالعان ونلاين-وقىتۋ كۋرستارى ەنگٸزٸلۋدە. بۇل رەتتە مەملەكەتتٸك قولداۋدى الۋدا باسىمدىق «اۋىل اماناتى» جەنە «بٸر اۋىل – بٸر ٶنٸم» جوبالارىنا قاتىسۋشىلارعا بەرٸلەدٸ.
ٶتٸنٸمدٸ قالاي بەرۋگە بولادى?
ٶتٸنٸمدەردٸ بەرۋ egov.business جەنە Damu Online پورتالدارى ارقىلى اۆتوماتتاندىرىلعان تٷردە جٷرگٸزٸلەدٸ. شالعاي اۋداندار ٷشٸن كٶشپەلٸ فورمات قاراستىرىلعان: ارنايى موبيلدٸ كەڭسەلەر (اۆتوبۋستار) جەرگٸلٸكتٸ جەرلەردە كەڭەس بەرٸپ, قۇجاتتاردى قابىلدايدى.
