بٷگٸن الماتى جەنە جامبىل وبلىستارى ساۋدا-ەكونوميكالىق, عىلىمي-تەحنيكالىق, گۋمانيتارلىق جەنە ٶزگە دە سالالار بويىنشا ٶزارا ىنتىماقتاستىق مەموراندۋمىنا قول قويدى. بۇل كەلٸسٸمگە الماتى وبلىسىنىڭ ەكٸمٸ اماندىق باتالوۆتىڭ شاقىرۋىمەن كەلگەن جامبىل وبلىسىنىڭ ەكٸمٸ كەرٸم كٶكرەكباەۆ باستاعان وبلىس دەلەگاتسيياسىنىڭ الماتى وبلىسىنا جاساعان جۇمىس ساپارى بارىسىندا قول جەتكٸزٸلدٸ. جۇمىس ساپارىنىڭ باستى ماقساتىنىڭ بٸرٸ – جەتٸسۋ ٶڭٸرٸندە قانت قىزىلشاسىن جانداندىرۋداعى وبلىستىڭ سەتتٸ جٷزەگە اسىرىپ جاتقان تىڭ تەحنولوگييالارىمەن تانىسۋ بولىپ تابىلدى. بۇل تۋرالى وبلىس ەكٸمٸنٸڭ باسپاسٶز قىزمەتٸ حابارلادى.
بٸرٸنشٸ كەزەكتە جامبىل وبلىسىنان كەلگەن دەلەگاتسييا كٶكسۋ اۋدانىنداعى «اليم-تايار» شارۋا قوجالىعىنىڭ قانت قىزىلشاسى القابىنا ات باسىن بۇردى.
بۇل شارۋا قوجالىعى قانت قىزىلشاسى, پيياز, مايبۇرشاق جەنە باقشالىق كٶكٶنٸستەردٸ ٶسٸرۋمەن اينالىسادى. ٶتكەن جىلى 53 گا القاپقا قانت قىزىلشاسىن ەگٸپ, ودان گەكتارىنان ورتاشا ەسەپپەن 350 تسەنتنەردەن ٶنٸم العان بولسا, اعىمداعى جىلى قىزىلشا القابىنىڭ كٶلەمٸن 60 گەكتارعا دەيٸن ارتتىرىپ وتىر. اعىمداعى جىلى ەگٸلگەن تەتتٸ تٷبٸردٸڭ ەر گەكتارىنان ورتاشا ەسەپپەن 600 تسەنتنەردەن, جالپى سالماعى 3600 توننا قانت قىزىلشاسىن جيناۋدى كٶزدەۋدە.
شارۋا قوجالىعىنىڭ باسشىسى تايار زەينالوۆتىڭ ايتۋىنشا قانت قىزىلشاسىن ٶسٸرۋ - بٷگٸنگٸ كٷنٸ قايتا تيٸمدٸ ٸسكە اينالدى. بۇل ٷلكەن ەڭبەكتٸ تالاپ ەتەدٸ, الايدا دەل قازٸرگٸدەي مەملەكەت تاراپىنان كٶرسەتٸلٸپ جاتقان جان-جاقتى قولداۋدىڭ ارقاسىندا ونىڭ ٶتەۋٸ كٶڭٸلدەن شىعادى. ەڭ باستىسى قالاعان ۋاقىتتا ٶتكٸزەتٸن ٶنٸمٸڭدٸ قابىلدايتىن قانت زاۋىتتارى بار.
شارۋاشىلىق قوجايىنىڭ سٶزٸنەن كەيٸن دەلەگاتسييا مٷشەلەرٸ كٶكسۋ قانت زاۋىتىمەن تانىسۋعا اتتاندى. قازٸر مۇندا زاۋىتتى جاڭعىرتۋدىڭ ەكٸنشٸ كەزەڭٸ جٷرگٸزٸلٸپ جاتىر. ٸسكە اسىرىلىپ جاتقان جۇمىستار جايىندا سٶز قوزعاعان كەسٸپورىن باسشىسى التىنبەك اباتوۆ:
-اعىمداعى جىلى قۇنى 1 ملرد. تەڭگەگە كٶكسۋ قانت زاۋىتىن مودەرنيزاتسييالاۋدىڭ ەكٸنشٸ كەزەڭٸن جٷرگٸزٸپ جاتىرمىز. زاۋىتقا بٷگٸندە قاجەتتٸ قۇرال-جابدىقتار جەتكٸزٸلدٸ. سونداي-اق ەكتەۋ-كٷيدٸرۋ پەشٸن, جىلۋ ەلەكترتسەنترالىن تولىقتاي اۆتوماتتاندىرۋدى, جىلدام جىلىتقىش قۇرىلعىلارىن ورناتۋدى جەنە «Grimme» فيرماسىنىڭ ٷيمەلەۋشٸ تەحنيكاسىن ساتىپ الۋدى جوسپارلاپ وتىرمىز. اتقارىلىپ جاتقان جۇمىستاردىڭ ارقاسىندا اعىمداعى جىلى 220 مىڭ تونناعا دەيٸن قانت قىزىلشاسىن ٶڭدەپ, ودان 25 مىڭ توننا دايىن قانت الۋدى كٶزدەۋدەمٸز.
وبلىس ەكٸمٸ اماندىق باتالوۆ ٶتكەن جىلى زاۋىتتىڭ 220 مىڭ توننا قانت قىزىلشاسىن قابىلداپ, ودان 22 مىڭ توننا تازا قانت ٶندٸرگەندٸگٸن جەنە بيىلدان باستاپ وبلىستا اقسۋ قانت زاۋىتىن قالپىنا كەلتٸرۋ جۇمىستارى جوعارى قارقىنمەن جٷرگٸزٸلٸپ جاتقاندىعىن اتاپ ٶتتٸ.
- ەلباسىنىڭ جەتٸسۋ ٶلكەسٸنە قانت قىزىلشاسىنىڭ ٶسٸرۋشٸ ٶڭٸر اتاعىن قايتا جاڭعىرتۋ تۋرالى تاپسىرماسىن ٸسكە اسىرۋ ماقساتىندا وبلىستا كەشەندٸ جۇمىستار اتقارىلدى. قازٸرگٸ كٷنٸ تۇقىم مەن تىڭايتقىشتاردى ساتىپ الۋدان باستاپ, شىققان ٶنٸمدٸ ٶڭدەۋگە جٸبەرۋگە دەيٸنگٸ بارلىق مەسەلەلەر جان-جاقتى تالدانىپ, بٸر جٷيەگە كەلتٸرٸلدٸ. قازٸر بٸز كەلەشەككە جۇمىس ٸستەۋدەمٸز. ياعني اقسۋ قانت زاۋىتىن ٸسكە قوسقالى جاتىرمىز. كەلەشەكتە الفكٶل اۋدانىندا وبلىسىمىز بويىنشا ٷشٸنشٸ قانت زاۋىتىن ٸسكە قوسۋ جوسپارىمىز دا بار. بۇنىڭ بارلىعى شارۋالارعا جايلى جاعداي تۋىنداتاتىندىعى بەلگٸلٸ, ونىڭ ٷستٸنە جىل سايىن تەتتٸ تٷبٸر ٶندٸرۋشٸلەردٸڭ سانى ارتىپ كەلەدٸ. ەگەر باس كەزٸندە بۇل باعىتتا 120 شارۋا قوجالىعى اينالىسقان بولسا, قازٸرگٸ كٷنٸ ولاردىڭ سانى 250 جەتتٸ, - دەدٸ ا.باتالوۆ.
سونداي-اق ەلەۋمەتتٸك, مەدەني جەنە ٶنەركەسٸپتٸك نىساندار دا دەلەگاتسييانىڭ نازارىنان تىس قالمادى. اتاپ ايتار بولساق, قالاداعى وقۋشىلار سارايى, جاستارعا قىزمەت كٶرسەتۋ ورتالىعى, «جاستار» پاركٸ, قاراتال ٶزەنٸنٸڭ جاعالاۋى, قالاداعى ورتالىق باسسەينٸمەن تانىستى. قالانىڭ وڭتٷستٸك-باتىسىندا ورىن تەپكەن «تالدىقورعان» يندۋسترالدى ايماعى دا قوناقتاردىڭ ەرەكشە ىقىلاسىنا بٶلەندٸ. جاقىن بولاشاقتا بۇل ايماق قالانىڭ ٸرٸ ٶنەركەسٸپتٸك الاڭى بولماق.
جامبىل وبلىسىنىڭ ەكٸمٸ كەرٸم كٶكرەكباەۆ اتاپ ٶتكەندەي, قالاداعى ەربٸر نىسان ٶز الدىنا ەرەكشەلٸگٸمەن جەنە قايتالانباس سەۋلەتٸمەن كٶزگە تٷسەدٸ. ٷيرەنەتٸن جەنە ٷلگٸ الارلىق جوبالار دا بارشىلىق.
-تالدىقورعان زاماناۋي ەرٸ ٶتە ەدەمٸ قالا! قالاعا كٸرە بەرٸستەن باستاپ ەربٸر عيمارات, ەربٸر نىسان شىنايى پەيٸلمەن, جان دٷنيەسٸن سالا وتىرىپ ورىندالعان. ۇساق تەتٸكتەرٸنە دەيٸن ەگجەي-تەگجەي قاراستىرىلعان. بۇل ەسٸرەسە قالانىڭ كٶشەلەرٸندە ورناتىلعان زاماناۋي ەلەكتر قۋاتىن ٷنەمدەيتٸن جارىقديودتى كٶشە شامدارىنان, قالانىڭ كٶگالداندىرىلۋىنان ەرەكشە بايقالادى. قالانىڭ كٶشەلەرٸنە ساپالى جول تٶسەمدەرٸ جايىلعاندىعى بەرٸ كٶزگە بٸردەن تٷسەدٸ. پايدالانۋعا بەرٸلٸپ جاتقان ەربٸر نىسان تۇرعىنداردىڭ جايلى ٶمٸر سٷرۋٸنە ىڭعايلاستىرىلىپ, ۇزاق جىلدارعا ساپالى سالىنعاندىعى قۋانتادى. قالا تۇرعىندارىنىڭ اتقارىلىپ جاتقان ٸسكە كٶڭٸلدەرٸ تولادى دەگەن سەنٸمدەمٸن. قاراتال ٶزەنٸنٸڭ جاعالاۋىن اباتتاندىرۋ جەنە «جاستار» پاركٸنٸڭ جوباسى بٸزدٸ قاتتى قىزىقتىردى. ٷلگٸ رەتٸندە الماق ويىمىز بار. وسى تيپتەگٸ جاعالاۋدى تاراز قالاسىنداعى تالاس ٶزەنٸنٸڭ بويىندا دا سالماق ويدامىز, - دەدٸ جامبىل وبلىسىنىڭ ەكٸمٸ.
وسىدان كەيٸن وبلىستىق ەكٸمدٸكتٸڭ مەجٸلٸس زالىندا الداعى ۋاقىتتاعى قوس وبلىستىڭ ىنتىماقتاستىق مەسەلەلەرٸ تالقىلاندى.
الماتى وبلىسىنىڭ ەكونوميكالىق دامۋ كٶرسەتكٸشتەرٸن اتاپ ٶتكەن اماندىق باتالوۆ:
-مەملەكەت باسشىسى نۇرسۇلتان ەبٸشۇلى نازارباەۆتىڭ بەرگەن ماڭىزدى تاپسىرمالارىنىڭ بٸرٸ ٶڭٸرارالىق ىنتىماقتاستىقتى دامىتۋ بولىپ تابىلادى. وسى ماقساتتا بٸز جامبىل وبلىسىمەن ىنتىماقتاستىعىمىزدى دامىتقىمىز كەلەدٸ. ەر ٶڭٸردەگٸ جاقسى ٸستٸ ٷلگٸ ەتٸپ, ٶز وبلىسىڭنىڭ اۋماعىندا جٷزەگە اسىرۋ ارقىلى قارقىندى دامۋعا مٷمكٸندٸك تۋادى. جامبىل وبلىسى – ٶندٸرٸستٸك ٶڭٸر, ال الماتى وبلىسى – اگرارلىق ٶڭٸر. سول سەبەپتٸ ەر وبلىسقا بٸر-بٸرٸمٸزدەن الارىمىز دا, ٷيرەنەرٸمٸز دە مول. بۇل ەرٸپتەستٸگٸمٸز الداعى ۋاقىتتا ەكٸ وبلىستىڭ بارلىق سالالار بويىنشا دامۋىنا ٶزٸنٸڭ ٷلكەن سەپتٸگٸن تيگٸزەتٸندٸگٸنە سەنٸمدٸمٸن, - دەپ اتاپ ٶتتٸ اماندىق عابباسۇلى.
ٶز تاراپىنان جامبىل وبلىسىنىڭ ەكٸمٸ كەرٸم كٶكرەكباەۆ تا وبلىستىڭ ەكونوميكالىق دامۋ ەلەۋەتٸمەن تانىستىرىپ, جەتٸسۋ جەرٸنە جاساعان جۇمىس ساپارىنىڭ نەتيجەلٸ بولعاندىعىن, بۇل كەزدەسۋدٸڭ وبلىستاردىڭ دامۋىنا, سونىڭ ٸشٸندە قانت قىزىلشاسى سالاسىن دامىتۋدا وڭ ىقپالىن تيگٸزەتٸندٸگٸنە سەنٸم بٸلدٸردٸ.
كەزدەسۋ سوڭىندا قوس تاراپقا دا تيٸمدٸ دامۋ جوسپارلارىن ەكٸجاقتى ىنتىماقتاستىق مەموراندۋمىمەن بەكٸتتٸ. وبلىستار ساۋدا-ەكونوميكالىق, عىلىمي-تەحنيكالىق, گۋمانيتارلىق جەنە ٶزگە دە سالالار بويىنشا ٶزارا ىنتىماقتاستىعىن ەرٸ قاراي دامىتاتىن بولادى.
