رەسەيدٸڭ ومبى قالاسىنداعى اۋرۋحانادا ەسسٸز جاتقان ساياساتكەر الەكسەي ناۆالنىيدى گەرمانييا استاناسى بەرلينگە ۇشاقپەن الىپ كەتتٸ. بۇل تۋرالى ساياساتكەردٸڭ باسپاسٶز حاتشىسى كيرا يارمىش حابارلادى.
"الەكسەي مٸنگەن ۇشاق بەرلينگە ۇشىپ كەتتٸ. قولداعانىڭىز ٷشٸن بارلىعىڭىزعا راحمەت. الەكسەيدٸڭ ٶمٸرٸ مەن دەنساۋلىعى ٷشٸن كٷرەس ەندٸ باستالىپ جاتىر. ەلٸ كٶپ نەرسەدەن ٶتۋ كەرەك, بٸراق قازٸر بٸرٸنشٸ قادام جاسالدى" دەدٸ يارمىش Twitter جەلٸسٸندە.
الەكسەي ناۆالنىي ومبى اۋرۋحاناسىنىڭ جانساقتاۋ بٶلٸمٸنە 20 تامىز كٷنٸ اۋىر حالدە تٷستٸ. ول سول كٷنٸ تومسكٸدەن مەسكەۋگە باعىت العان ۇشاقتا بولعان. بٸراق رەيس كەزٸندە ساياساتكەردٸڭ دەنساۋلىعى كٷرت ناشارلاپ, ۇشاق ومبى ەۋەجايىنا شۇعىل قونۋعا مەجبٷر بولعان. جەدەل جەردەم كٶلٸگٸ ساياساتكەردٸ قونۋ الاڭىنان الىپ كەتكەن. ساياساتكەردٸ اۋرۋحانانىڭ جان ساقتاۋ بٶلٸمٸنە جاتقىزىپ, وعان ٶكپەنٸ جاساندى جەلدەتۋ اپپاراتىن قوسقان.
ساياساتكەردٸڭ جاقتاستارى ونىڭ ۋلانعان بولۋى مٷمكٸن ەكەنٸن ايتادى. يارمىشتىڭ سٶزٸنشە, ناۆالنىي تومسك ەۋەجايىنداعى كوفەحانادا بٸر كەسە قارا شاي ٸشكەن.
ناۆالنىي اۋرۋحاناعا تٷسكەن سوڭ فرانتسييا پرەزيدەنتٸ ەممانۋەل ماكرون جەنە گەرمانييا كانتسلەرٸ انگەلا مەركەل رەسەيلٸك وپپوزيتسيونەردٸ ەۋروپادا ەمدەۋگە كٶمەكتەسۋگە دايىن ەكەنٸن حابارلادى. 12 تامىز كٷنٸ گەرمانييا ناۆالنىيدى الىپ كەتۋ ٷشٸن ومبىعا ارنايى مەديتسينالىق ۇشاق جٸبەردٸ. الايدا ومبى اۋرۋحاناسى ساياساتكەردٸڭ احۋالى تاسىمالداۋعا جارامايدى دەپ قارسىلىق تانىتتى.
ساياساتكەردٸڭ ەيەلٸ يۋلييا ناۆالنايا ومبىداعى كٷيەۋٸ جاتقان №1 اۋرۋحاناعا سەنبەيتٸنٸن ايتىپ, ولار "الەكسەي اعزاسىنداعى حيمييالىق زاتتىڭ جوعالىپ كەتكەنٸن كٷتٸپ وتىر" دەپ ايتقان.
سول كٷنٸ اۋرۋحانا باسشىلىعى ناۆالنىيدى گەرمانيياعا الىپ كەتۋگە رۇقسات بەردٸ.
ومبى دەرٸگەرلەرٸ ساياساتكەردٸڭ اعزاسىندا «ۋلايتىن زاتتار تابىلمادى» دەپ, اعزاداعى «زات الماسۋ بۇزىلعان» دەگەن دياگنوز قويدى. ناۆالنىيدىڭ جەكە دەرٸگەرٸ اناستاسييا ۆاسيلەۆا ومبى اۋرۋحاناسىنىڭ قورىتىندىسىن تەرٸستەدٸ. ونىڭ سٶزٸنشە زات الماسۋىنىڭ بۇزىلۋى دياگنوزعا جاتپايدى, ول جاي عانا ادامنىڭ جاي-كٷيٸ سانالادى. ۆاسيلەۆانىڭ ايتۋىنشا, 20 تامىز كٷنٸ ساياساتكەردٸڭ قانىنداعى قانت دەڭگەيٸ قالىپتى بولعان.
ناۆالنىيدى ەمدەۋگە گەرمانيياداعى "شاريتە" كلينيكاسى نيەت بٸلدٸردٸ.
44 جاستاعى الەكسەي ناۆالنىي رەسەيدەگٸ ەڭ تانىمال وپپوزيتسييالىق ساياساتكەر سانالادى. ول مەسكەۋ مەرٸ جەنە رەسەي پرەزيدەنتٸ سايلاۋلارىنا تٷسپەك بولىپ, بيلٸكتٸڭ كەدەرگٸلەرٸنە تاپ بولعان. تەك 2013 جىلى عانا مەسكەۋ مەرٸ سايلاۋىنا تولىق قاتىستى, بٸراق جەڭە المادى. وسىدان كەيٸن كرەمل ساياساتكەردٸ سايلاۋ دودالارىنا قاتىسۋعا مٷمكٸندٸك بەرمەدٸ.
ساياساتكەر رەسەي انتيكوررۋپتسييالىق قورىن قۇرىپ, ەلدەگٸ وليگارحتار مەن ساياسي ەليتانىڭ جاسىرىن بايلىعىن ەشكەرەلەۋمەن اينالىسىپ كەلدٸ. ونىڭ دەرەكتٸ فيلمدەرٸن ەلەۋمەتتٸك جەلٸدە ميلليونداعان ادام كٶردٸ. ال ول ۇيىمداستىرعان ساياسي شەرۋلەرگە ونداعان مىڭ ادام جينالاتىن.
ناۆالنىي كەيٸنگٸ ون جىلدا بٸرنەشە رەت قاماۋعا الىنىپ, باس-اياعى 100 كٷننەن استام تٷرمەدە وتىرعان. وعان بٸرنەشە رەت شابۋىل دا جاسالعان.
2017 جىلى قاسكٶيلەر ونىڭ بەتٸنە جاسىل تٷستٸ انتيسەپتيك شاشقان. سالدارىنان ناۆالنىيدىڭ كٶزٸ كٷيٸپ قالعان.
