جەتٸسۋ وبلىسىنىڭ اقسۋ اۋدانىنا قاراستى قىزىلاعاش اۋىلىندا جۇرتتىڭ جاعاسىن ۇستاتقان وقيعا بولدى. بەلگٸسٸز بٸرەۋ سيىردىڭ ٷستٸنە ەدەن بوياۋىن قۇيىپ, جانۋاردىڭ بٷيٸرٸنە «ٶلتٸرەمٸن» دەگەن جازۋ جازعان, دەپ حابارلايدى ult.kz.
سيىر يەسٸ سەرٸك ساپيروۆتىڭ ايتۋىنشا, مۇنداي ەرەكەتكە ەلدەكٸم مالدىڭ ٶزگەنٸڭ باقشاسىنا كٸرٸپ كەتكەنٸنە اشۋلانىپ بارعان بولۋى مٷمكٸن. ونىڭ سٶزٸنشە, بوياۋ سيىردىڭ كٶزٸنە دەيٸن تيٸپ, جانۋارعا زييان كەلتٸرگەن.
«ەگەر مەنٸڭ سيىرىم بٸرەۋدٸڭ اۋلاسىنا كٸرٸپ, شٶبٸن جەپ قويسا, اۋىلداستاردان كەشٸرٸم سۇرايمىن. بٸراق بۇل جانۋاردى قورلاپ, ازاپتاۋعا سەبەپ بولماۋى كەرەك. مەسەلەنٸ ادامشا سٶيلەسٸپ تە شەشۋگە بولاتىن ەدٸ», – دەيدٸ ول.
وقيعادان كەيٸن مال يەسٸ اقسۋ اۋداندىق پوليتسيياسىنا ارىز جازىپ, كٸنەلٸلەردٸ انىقتاۋدى تالاپ ەتكەن.
بۇل جاعداي ەلەۋمەتتٸك جەلٸلەردە دە قىزۋ تالقىلانىپ, جەرگٸلٸكتٸ تۇرعىنداردىڭ نارازىلىعىن تۋدىردى. اۋىل حالقى جانۋارعا قاتىگەزدٸك تانىتقاندار جاۋاپقا تارتىلۋى تيٸس دەپ ەسەپتەيدٸ.
