وڭتٷستٸك قازاقستان وبلىسىنداعى ديقاندار قاۋىن-قاربىز ٶسٸرۋدٸ شەبەر مەڭگەرٸپ, باقشا داقىلدارىنىڭ ەكسپورتقا جارامدى نەشە تٷرلٸ سورتتارىن شىعارۋدا. بيىلعى جىلى وبلىس بويىنشا 57 مىڭ گەكتار جەرگە قاۋىن-قاربىز ەگٸلسە, ولاردان 224 مىڭ توننا ٶنٸم جينالىپ وتىر. جينالعان ٶنٸمنٸڭ ٸشٸندە 166 مىڭ تونناسى قاربىز, 58 مىڭ تونناسى قاۋىن. بۇل تۋرالى وقو ەكٸمٸنٸڭ باسپاسٶز قىزمەتٸ حابارلادى.
اگرارلى ايماق ديقاندارى قازٸرگٸ تاڭدا جينالعان باقشا داقىلدارىن جەرگٸلٸكتٸ ساۋدا ورىندارىنان بٶلەك, ەلٸمٸزدٸڭ ٶزگە ايماقتارى مەن شەت ەلدەرٸنە ەكسپورتقا شىعارۋدا. مەسەلەن, رەسەيگە 35 مىڭ توننا قاربىز, 16 مىڭ توننا قاۋىن, ال بەلارۋس ەلٸنە 481 توننا قاۋىن-قاربىز جٶنەلتٸلسە, لاتۆيياعا 127 توننا قاۋىن ەسپورتتالعان. ال قالعانى ەل نارىعىندا ساتىلۋدا.
ال, بٷگٸندە باقشا داقىلدارىن ەگۋدە وبلىستاعى ەڭ ٸرٸ اگرو ايماق بولىپ سانالاتىن ماقتاارال اۋدانىنىڭ تۇرعىندارى 24 مىڭ گەكتار جەرگە باقشا ٶنٸمٸن ەككەن. ديقاندار ەگٸلگەن قاۋىن-قاربىزدان 74 مىڭ توننادان استام ٶنٸم جيناپ, ساۋدالاعان. ولار ٶنٸمنٸڭ 70 پايىزىن شەتەلگە, قالعان 30 پايىزىن وتاندىق نارىققا شىعارعان.
ماقتارالدىق ديقاندار بىلتىر ەسكپورت پەن ٸشكٸ نارىقتى قوسا ەسەپتەگەندە 7,6 ميلليارد تەڭگەنٸڭ قاۋىن-قاربىزىن ساتقان. بۇل قارجىنىڭ 70 پايىزى شەت ەلدەرمەن اراداعى ساۋدادان تٷسكەن. بيىل ەگٸلگەن قاۋىن-قاربىزدىڭ كٶلەمٸ 1000 گەكتارعا ارتىق, سوندىقتان دا ٶنٸم كٶلەمٸ مەن تٷسەتٸن تابىس بىلتىرعىعا قاراعاندا جوعارى بولادى دەپ كٷتٸلۋدە.
